«Дыгын оонньууларын» кыайыылааҕа – 3 мөлүйүөн солкуобай

Туймаада ыһыаҕар сылын ахсын ыытыллар саамай сүрүн күрэхтэһиитэ буолара 13 хонук хаалла. 16 саха эр бэртэрэ, боотур бухатыырдара мустан, ким хайдах күүстээҕин-уохтааҕын, кыахтааҕын-сымсатын көрдөрүөхтэрэ.

«Дыгын оонньуулара» – бу успуорт эрэ буолбатах. Бу биһиги өбүгэлэрбит үгэстэрин салҕааһын, саха норуотун сомоҕолооһун, эр дьон күүһүн-уоҕун, кыаҕын көрдөрүүтэ. Ыччаты чөл олоххо, успуорка угуйар сүдү суолталаах. Онон, «Дыгын оонньуулара» диэн былыр-былыргыттан баар, ол эрээри саҥалыы сөргүтүллүбүт, саха норуотун күүһүн уонна түмсүүлээҕин көрдөрөр улуу күрэхтэһиитинэн буолар.

Билигин «Дыгын оонньуулара» Туймаада ыһыаҕын киэргэлэ, саамай кэтэһиилээх түһүлгэтэ. Саха сирин араас муннуктарыттан бастыҥтан бастыҥ, күүстээхтэн күүстээх эр бэртэрэ кэлэн кытталлар. Кинилэр араас сахалыы оонньууларга күөн көрсөллөр:

• Тутум эргиир;
• Хапсаҕай;
• Оҕунан ытыы;
• Мас тардыһыы;
• Үс төгүл үс (сахалыы ыстаныылар: кылыы, ыстаҥа, куобах);
• Сүүрүү;
• Таас көтөҕүү (улахан, ыар тааһы көтөҕөн илдьии).

Кыайыылаах «Дыгын оонньууларын Кыайыылааҕа» диэн үрдүк ааты сүгэр, бүтүн норуот киэн туттуута буолар уонна быйыл «Прогресс» хампаанньаттан  3 мөлүйүөн солкуобайынан наҕараадаланар.

Быйылгы «Дыгын оонньууларын» кыттааччылара (улуустарынан):

1. Вячеслав Дьяконов – Нам улууһа;
2. Яков Дмитриев — Кэбээйи улууһа;
3. Артём Дьяконов — Кэбээйи улууһа;
4. Алексей Уваровскай — Кэбээйи улууһа;
5. Владимир Шологонов — Үөһээ Бүлүү улууһа;
6. Айсен Ботуев – Үөһээ Бүлүү улууһа;
7. Тимофей Большаков – Сунтаар улууһа;
8. Алексей Соколов – Сунтаар улууһа;
9. Борис Сдвижков – Амма улууһа;
10. Николай Матаннанов – Таатта улууһа;
11. Алексей Созонов – Орто Халыма улууһа;
12. Алексей Ефимов – Муома улууһа
13. Александр Пшенников — Өлүөхүмэ улууһа,
14. Борис Строев – Чурапчы улууһа,
15. Иван Степанов – Дьокуускай куорат;
16. Валентин Афанасьев – Ньурба улууһа.

1995 сылтан «Дыгын оонньууларын» кыайыылаахтара:

• 1995 Иннокентий Макаров (Чурапчы), матасыыкыл;
• 1996 Иннокентий Макаров (Чурапчы), УАЗ массыына;
• 1997 Иннокентий Макаров (Чурапчы), УАЗ массыына;
• 1998 Николай Дьяконов,  «Жигули» массыына;
• 1999 Иван Белолюбскай (Уус Алдан), УАЗ массыына;
• 2000 Юрий Эверстов (Нам), УАЗ массыына;
• 2001 Анатолий Баишев (Амма), УАЗ массыына;
• 2002 Николай Дьяконов (Нам), УАЗ массыына;
• 2003 Николай Дьяконов (Нам), УАЗ массыына;
• 2004 Николай Дьяконов (Нам), автомобиль «Жигули»;
• 2005 Николай Дьяконов (Нам), УАЗ массыына;
• 2006 Николай Дьяконов (Нам), УАЗ массыына;
• 2007 Иван Белолюбскай (Уус Улдан),  «Жигули» уонна «Нива» массыыналар;
• 2008 Иван Белолюбскай (Уус Улдан), УАЗ массыына;
• 2009 Иван Белолюбскай (Уус Улдан), УАЗ массыына;
• 2010 Иван Белолюбскай (Уус Улдан), УАЗ массыына;
• 2011 Иван Белолюбскай (Уус Улдан), УАЗ массыына;
• 2012 Иван Белолюбскай (Уус Улдан), УАЗ массыына;
• 2013 Любомир Николаев (Үөһээ Бүлүү), УАЗ массыына;
• 2014 Петр Старостин (Чурапчы), УАЗ массыына;
• 2015 Алексей Кутуков (Нам), квадроцикл и 500 тысяч рублей;
• 2016 Егор Филиппов (Хаҥалас), УАЗ массыына;
• 2017 Егор Филиппов (Хаҥалас), Hyundai Solaris;
• 2018 Егор Филиппов (Хаҥалас), Nissan Terrano;
• 2019 Егор Филиппов (Хаҥалас), «Арктик Капитал» хампаанньаттан 1000000 солк.;
• 2020 Леонид Филиппов (Амма), «Прогресс» хампаанньаттан 1000000 солк.;
• 2021 Егор Филиппов (Хаҥалас), «Прогресс» хампаанньаттан 1000000 солк.;
• 2022 Алексей Уваровскай (Кэбээйи), «Прогресс» хампаанньаттан 1000000 солк.;
• 2023 Вячеслав Дьяконов (Нам), «Прогресс» хампаанньаттан 1000000 солк.