Мария Васильева хаартыската, СИА.
Бэс ыйын 24-25 күннэригэр ыытыллар Туймаада ыһыаҕар «Дыгын оонньууларын» сүрүн түһүлгэтэ ыытыллыаҕа. Манна 12 бөҕөс илин-кэлин түсүһүөҕэ.
Билиҥҥитэ икки сүүмэрдиир түһүмэх ыытыллан, дьүүлүүр сүбэ биллэн, бириистэр быһаарыллан тураллар диэн бүгүн, бэс ыйын 6 күнүгэр, буолбут пресс-кэмпириэнсийэҕэ тэрийээччилэр иһитиннэрдилэр. Ол курдук, быйылгы кыайыылаах 1 мөлүйүөн харчынан наҕараадараныаҕа. Бу бирииһи «Прогрес» тэрилтэ салайааччыта Алексей Пинигин туруорда. Иккис миэстэ буолбут эр бэрдигэр квадроциклы уонна үһүс миэстэ буолбут боотурга уу мотуорун туттарыахтара.
Былырыыҥҥы «Дыгын оонньууларын» кыайыылааҕа Алексей Уваровскай бэлэмин, утарылаһааччыларын туһунан санаатын үллэһиннэ:
— Күрэхтэһиигэ бэлэммин Дьокуускай куоракка саҕалаабытым, биир ыйга дойдубар, Кэбээйигэ баран дьарыктанным. Эдэр уол Артем Дьяконов сүүмэрдээһини ааспытытан соһуйбутум. Кинини 2-3 сылынан түһүлгэҕэ көрүөм дии саныырым. Эдэр уолаттар көрдөрүүлэрэ тахсыбыт, номнуо бииргэ күрэхтэһэр дьон буолбут эбиппит. Манна диэн эттэххэ, уопсай көрдөрүү барыта тупсубут. Уолаттар охторун бэркэ ытар буолбуттар, сүүрүүлэрэ түргэтээбит, таастарын ыраахха диэри илдьэр буолбуттар. Бэйэм дьарыгым туһунан эттэххэ, күүс-уох өттүнэн эрчиллэ сатаатым, бу миэхэ тиийээччитэ суох.
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …
Нерюнгри оройуонун салаатын суут бириистэптэрэ биир тэрилтэттэн рекорднай суумалаах хамнаска иэһи ирдээтилэр. Нерюнгри олохтооҕо таҥастыыр…
Хаар курдук маҥан, сымнаҕас баататтан саамай дьикти, ураты оонньуурдар былыр харыйаны киэргэтэллэрэ. Ол курдук, 30-с…
Cаҥа дьылга хас биирдии дьиэ кэргэн үгэс быһыытынан баай, дэлэгэй астаах-үөллээх остуолун тула олорон, ааһан…
«РИК» бөлөх хампаанньалар көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр. 2025…