«Дыгын Оонньууларын» кыттыылаахтара билиннилэр

Дьокуускайга «Триумф» успуорт уораҕайыгар, ыам ыйын 5 күнүгэр, «Дыгын оонньууларын» бүтэһик сүүмэрдиир түһүмэҕэ ыытылынна. Күрэхтэһии түмүгүнэн Саха многоборьетын сайыҥҥы сүрүн түһүлгэтин кыттыылаахтара билиннилэр.

Ол курдук, финалга кыттар быраап ыллылар:

1. Алексей Уваровскай (Кэбээйи)
2.Вячеслав Дьяконов (Нам)
3. Айсен Ботуев (Үөһээ Бүлүү)
4. Дьулустаан Ноговицын (Горнай)
5. Николай Матаннанов (Таатта)
6. Николай Обоев (Ньурба)
7. Айхал Бюлтясов (Үөһээ Бүлүү)
8. Петр Прудецкай (Үөһээ Дьааҥы)
9. Артем Варданян (Нам)
10. Яков Дмитриев (Кэбээйи)
11. Айсен Семенов (Өлөөн)
12. Артем Дьяконов (Кэбээйи)

«Дыгын оонньуулара» сайын Туймаада ыһыаҕар ыытыллыаҕа. Боотурдар үгэс буолбут сэттэ көрүҥҥэ күрэхтэһиэхтэрэ: «Үс төгүл үс», «Тутум эргиир», мас-рестлинг, оҕунан ытыы, 400 миэтэрэҕэ сүүрүү, хапсаҕай уонна тааһы көтөҕүү.