Хаартыска уонна видео: Елена Потоцкая.
Быйыл 30 сыллаах үбүлүөйэ бэлиэтэнэр «Дыгын оонньуулара» тэрээһини бу сыллар тухары Саха тэлэбиидэнньэтэ аһаҕас эпииргэ тиһигин быспакка сырдатан кэллэ.
«СӨ физическэй култууратын уонна успуордун туйгуна» бочуоттаах бэлиэ хаһаайына, режиссер Радомир Томскай — «Дыгын оонньуулара» тэлэбиидэнньэ бырайыагын ааптара. 2020 сыллаахха «Саха» национальнай көрдөрөр-иһитиннэрэр хампаанньа «Дыгын оонньуулара» бырайыага «ТЭФИ-регион» XIХ-с төгүлүн ыытыллар Бүтүн Арассыыйатааҕы куонкуруска «Телевидение уонна олох» номинацияҕа кыайыылааҕынан бэлиэтэммитэ. Онон Спортивнай оонньуулары быһа эпииргэ ыытары хааччыйар хампаанньа бас-көс режиссера Радомир Томскай салайар «Саха» НКИХ оператордарын бөлөҕө бу дьоһуннаах үбүлүөйгэ эмиэ ыкса сыһыаннаахтар.
Икки күнү быһа курулас ардах, тымныы тыал ортотугар үлэлээбит оператордарга биһиги истиҥник махтаныах тустаахпыт. Бу уолаттар сыралаахтык үлэлээн, Дыгын оонньууларын дьиэбитигэр сылаас чэй иһэ-иһэ, бэрт холкутук, ханна да ыксаабакка олорон көрдүбүт. Ыһыах бастакы күнүгэр, ардах курулаччы түһэ турдаҕына Радомир Томскай салайар бөлөҕө бары өттүнэн хааччыллыылаах массыынатыгар анаан киирэн уһуллум. «Саха сирэ» хаһыат телеграм-ханаалыгар бу устууну көрөн баран, үгүс дьон санааларын үллэһиннилэр: «Кинилэр баар буолан, ытыска ууран олорон көрдүбүт», «Маладьыастар! Дьоһуннаах үлэ!», «Махтанабыт! Өссө да инникитин быһа холбонуулары көрдөрөр буолаарыҥ. Аҕа саастаах дьон аатыттан санаабын суруйабын. Ситиһиини, айымньылаах үлэни баҕарабын! «, «Люди невидимого фронта» — саамай эппиэттээх үлэһиттэргэ махтанабыт!». Оттон социальнай ситимнэргэ маннык кэмэнтээрийдэр бааллар: «Кырдьык да, бэлэми эрэ көрөбүт дии, хаһан да кимнээх эрэ маннык сыралаахтык үлэлээн быһа эпиири бэлэмнииллэрэ буолуо диэн олох толкуйдаан көрбөт эбиппит. Олус наадалаах үлэлээх дьон туһунан бэркэ сырдаппыккыт«, «Ардахха, тыалга үлэлии турар оператордары көрөн, хата мин тоҥмутум аҕай. Оннооҕор курулас ардахха усталларын тохтоппотохторо. «Нвклар» — саха тулуурдаах кыах уолаттара !»
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…