Дьыл оҕуһун — Тымныы иччитин иккис муоһа түстэ

Тымныы оҕуһун «былааһа» сыппааһынын  туһунан маннык бэлиэтээһиннэр бааллар.

Ол курдук:

Тохсунньу 31 күнэ — кылаана кыларыйар. Олунньу 12 күнэ — оҕус бастакы муоһа тостон, ыарыыланар, тымныы түһэр. Олунньу 24 күнүгэр иккис муоһа тостор, тымныы мүлүрүйэр.

«Тымныы иччитин 2-с муоһа туллар уонна Саха сиригэр улахан тымныы тохтуохтаах. Түүҥҥү тоҥот, сарсыардааҥҥы дьыбар уонна туман биллэн турар баар буолуохтара. Күнү-дьылы билгэлээччилэр да халлаан лаппа сымныа дииллэр»  диэн бэлиэтиир биология билимин дуоктара, ХИФУ бэрэпиэссэрэ, суруйааччы Гавриил Угаров – Эһээ Дьыл.