Хаартыска: ЯСИА.
2025 сыл үс кыбаарталын түмүгүнэн энергетиктар өрөспүүбүлүкэ Арбитражнай суутугар 662 мөлүйүөн солкуобайтан тахса суумалаах 502 ирдэбили киллэрбиттэр, суут 515 мөлүйүөн солкуобай суумаҕа 430 быһаарыыны таһаарбыт.
Суут быһаарыытынан юридическай сирэйдэр ахсааннарыттан эрэлэ суох туһанааччылартан 204,4 мөлүйүөн солкуобай ирдэннэ, онтон 102 мөл.молк. – суут бирристэптэрин сулууспатын кытта бииргэ үлэлэһии кэмигэр, диэн «ДЭК» ПАУо информационнай бэлиитикэҕэ отдела иһитиннэрэр.
«Суукка үҥсүү – бу суут иннинээҕи үлэ бары ньымалара иэс туһунан санатыылар, биллэриилэр, төлөпүөнүнэн эрийтэлээһин уонна ресурсаны хааччахтааһын – түмүгү биэрбэт түгэннэригэр туттуллар күһэллилээх миэрэ буолар, – диэн хампаанньаҕа бэлиэтииллэр. — Онуоха суут быһаарыытынан ССПС үлэһиттэрин көмөтүнэн үбү-харчыныкүһүнэн ирдээһин, бастатан туран, туһанааччыларга бэйэлэригэр барыһа суох. Суут быһаарыыта тахсан, толорор дьыала көбүтүлүннэҕинэ, иэстээхтэр сүрүн иэстэриттэн ураты пеняны эрэ буолбакка, суут ороскуоттарын уонна суут бириистэптэрин үлэлэрин иһин хомууру эмиэ төлүүргэ тиийэллэр».
Ол курдук, Дьокуускай куорат биир тутуу хампаанньата 3,5 мөлүйүөн солкуобай иэһин күһүнэн төлөөн баран, өссө төлөөбөккө сылдьыбыт сылларын иһигэр ааҕыллыбыт пенятын төлүүргэ күһэллибит. Пеня суумата иэс суума харчы аҥаарын кэриҥэ буолбут – 1,5 мөлүйүөн солкуобай. Хампаанньа суут быһаарыыта тахсыбытын билэ сылдьан, төлөбүр болдьоҕун өр кэмҥэ уһата сылдьыбыт, түһэрсиллибит эйэлээх сөбүлэҥ усулуобуйатын кэспит. Суут бириистэптэрин үлэлэрин түмүгэр энергоресурсалар иһин сүрүн иэс, ону таһынан 44 тыһыынчаттан тахса солкуобай госпошлина уонна 245 тыһыынчаттан тахса солкуoбай исполнительскай хомуур төлөннүлэр.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…