Дүллүкү оҕолоро Быыһыыр сулууспа үлэтин кытары билистилэр

Ыксаллаах быһыыны-майгыны сэрэтэр кииҥҥэ Үөһээ Бүлүү улууһун Дүллүкү орто оскуолатын үөрэнээччилэрэ сырыттылар диэн СӨ быыһыыр сулууспата иһитиннэрэр. Бу оскуола өрдөөҕүттэн Быыһыыр сулууспаны, чуолаан Үөһээ Бүлүүтээҕи ПСО-ну кытта бииргэ үлэлиир.

Оскуолаҕа 11 кылаас үөрэнээччилэриттэн турар «Школьный дозор» быыһыыр этэрээт баар. Бу күннэргэ кинилэр Хабаровскай куораттан, онно бүтүн Арассыыйатааҕы оскуола быыһыыр этэрээттэрин күрэҕэр кыттан үһүс миэстэни ылан кэллилэр.

Быыһыыр сулууспа сэрэтэр үлэҕэ отделын начаалынньыга Геннадий Алексеев Быыһыыр сулууспа, Киин уонна Судаарыстыбаннай быыһыыр сулууспа үлэлэрин туһунан кэпсээтэ. Оҕолор быыһааччылар уонна баһаарынайдар идэлэрин туһунан интэриэһиргээн иһиттилэр, быыһыыр уонна аварийнай үлэлэр хайдах ыытыллалларын, баһаары утары охсуһуу хайдах барарын сэргээтилэр.

Экскурсия түмүгэр биир оҕо инникитин баһаарынай буолуон баҕарарын эттэ.