Төһө да сылаас күннэр турбуттарын иһин үгүс улууска көмүс хатырыктааҕы сомсор инниттэн муҥхалыы сылдьаллар. Бэҕэһээ, алтынньы 29 күнүгэр, Үөһээ Бүлүү улууһун Дүллүкү нэһилиэгэр Үттэ диэн эбэҕэ көмүс хатырыктаах барахсаны бастылар.
Дүллүкү нэһилиэгин олохтоохторун сэргэ Хороттон, Хомустаахтан, Маайтан уонна улуус кииниттэн муҥхаһыттар Николай Руфович Руфов тиэргэнигэр мустан, тимир көлөлөргө олорон эбэлэригэр тиийдилэр. Муҥхаҕа 90-тан тахса киһи кытынна. Дүллүкү нэһилиэгин баһылыга Н.П.Романов салайыытынан, оллооҥҥо эмис эттээх күөс өрүлүннэ, чэй оргутулунна.
Дьон-сэргэ мустубутун кэнниттэн ытык кырдьаҕастар Николай Руфович, Михаил Иванович салайыыларынан икки муҥханы түһэрдилэр. Эбэлэрэ барахсан көмүс хатарыктааҕы, төһө кыалларынан, күндүлүү сатаабыт.
«Муҥха — дьону түмэр ураты күүстээх. Сибиэһэй ыраас салгыҥҥа, айылҕаҕа доҕоттору, атастары кытта көрсөн, күө-дьаа кэпсэтэн, сонуну-нуомаһы үллэстэн, хаартыскаҕа хото түһэн сүргэбит көтөҕүллэн төнүннүбүт», — дэһэллэр муҥхаһыттар. Бу киэһэ ыал-ыал аайы сибиэһэй собо ыһаарыланна, хоргуннаах миин буста.
Салгыы видео-устууну көрүҥ.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…