Олунньу 18 күнүгэр ситэриилээх былаас отчуота эбиэт кэнниттэн Үөһээ Бүлүү улууһун Дүллүкү нэһилиэгэр ыытылынна. Бырабыыталыстыба ааспыт сыллааҕы үлэтин түмүгүн тырааныспар уонна суол хаһаайыстыбатын миниистирэ Владимир Сивцев отчуоттаата. Кини, чуолаан, Дүллүкү нэһилиэгэр ааспыт сылга туох саҥа оҥоһуллубутун, саҥа тутууларын туһунан кэпсээтэ.
Дүллүкүлэр уһата-кэҥэтэ барбакка, тута ыйытыыларга киирдилэр. Нэһилиэк дьаһалтатын тыатын хаһаайыстыбатын исписэлииһэ Николай Седалищев нэһилиэккэ элбэх эбийиэк тутулларынан, уот ыстаансыйата кыайбатынан, СИП лииньийэтин тутары туруоруста.
Кулун тутар ыйтан киириэхтээх, балбаах сокуонугар өрөспүүбүлүкэ өттүттэн, интэриэспитин көмүскүүр курдук, бэйэбит этиилэрбитин, туруорсууларбытын ыыттыбыт диэн хоруйдаатылар.
Нэһилиэк биир сүрүн боппуруоһунан саҥа оскуоланы туттарыы буолар. 750 мөлүйүөн солкуобай суумалаах бырайыак оҥоһуллан, 2025 с. тутуллара былааҥҥа киирбитин истэн, олохтоохтор үөрбүттэрин ытыс таһынан биллэрдилэр.
Хочуолунайдара эмиэ кыһалҕалаах, кыамтата кыратынан, саҥаны туттарары туруорсаллар. Олох-дьаһах, коммунальнай хаһаайыстыба министиэристибэтин чугастааҕы кэмҥэ былааныгар хочуолунай тутуута суох диэн буолла.
Нэһилиэк сэбиэтин дьокутаата Айта Руфова кулууп дьиэтэ 1968 с. тутуллубут буолан, эргэрэн, саҥаны туттарыыга докумуон ыыппыттарын туоһуласта. Кулуубу тутуу бырайыактыыр-симиэтэлиир докумуона туһааннаах биэдэмэстибэҕэ үлэҕэ сылдьара этилиннэ.
Оҕо уһуйаанын салайааччыта Лена Васильева оҕо уһуйаана улууска саамай тымныытынан аатыран, саҥа тутууну эрэйэрин эттэ. Ол эрээри, уһуйаан тутуута улуус да, өрөспүүбүлүкэ да саҥа тутууларын уочаратыгар суох эбит.
Оскуола технологияҕа учуутала Светлана Николаева биир идэлээхтэрин кытары байыаннай дьайыыларга сылдьар дьоҥҥо ис дууһаларыттан көмөлөһөр сыаллаах таҥас тигиэхтэрин баҕаралларын эттэ. Ол гынан баран, онуоха матырыйаалы хантан ылыан сөбүн ыйытта. Биирдиилээн киһи маннык дьарыктанара уустугунан, тэрилтэ тэринэн граннарга, субсидияларга кытталларыгар сүбэлээтилэр.
Дүллүкү нэһилиэгин олохтооҕо Вячеслав Аталларов Бырабыыталыстыба отчуотуур бөлөҕөр ыйытыы биэрэр:
Дүллүкүлэр балбаах, уот күүһүрдүүтүн, хочуолунай, оскуола, кулууп тутууларын, бөҕү тоҕууну хаста да төхтүрүйэн ыйыттылар. Олохтоохтор ыйытыыларыгар сөптөөх ыйыылары-кэрдиилэри, эппиэттэри ыллылар.
Мунньах түмүгүнэн ситэриилээх былаас отчуотун үчүгэйинэн сыаналаатылар.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…