Хаартыска Пелагея Соловьева альбомуттан
Уус Алдан улууһугар Дүпсүҥҥэ волонтердар үлэлэрэ тиһиктээхтик салҕанар. «Дүпсүн эһигинниин бииргэ» түмсүү настаабынньыга Пелагея Васильевна Соловьева байыастарга көмөлөһөр сыаллаах-соруктаах туох үлэни ыыппыттарын кэпсиир.
Ол курдук, 2,5 х 5 м иэннээх хаххалыыр сиэккэлэри бэлэмнээбиттэр. Манна нэһилиэк тэрилтэлэрэ таҥаһы кырыйан, бэлэмнииргэ табыгастаах буоларын курдук бэлэмнээн көхтөөхтүк кыттыбыттар, уо.д.а. үлэҕэ-хамнаска барытыгар көмөлөспүттэр. Хаххалыыр сиэккэ өрүллэр таҥаһын харчытын ааахсыйа тэрийэн, норуот үбүлээһининэн ылбыттар.
—Бу аахсыйаҕа нэһилиэнньэ барыта, оҕотуттан кырдьаҕаһыгар тиийэ кытынна. Оҕолор «Саллакка сурук» хайысхаҕа кыттаннар, уруһуйдаатылар. Дьаарбаҥкаттан киирбит харчыттан сороҕун байыаннай дьайыыга сылдьар байыастарга ыыппыппыт. Дьаарбаҥкаҕа уонна тэрээһиҥҥэ дьон-сэргэ ас арааһын астаан, хаһаайыстыбаҕа наадалаах тэриллэри оҥорон аҕалан туттарбыттара. Онон нэһилиэкпит олохтоохторо бука бары турунан туран кытыннылар, өрүү да буоларын курдук тэрээһиҥҥэ, аахсыйаҕа көхтөөх кыттыыны ыллылар.
Тэрээһини үтүө санааланыы мэктиэтэ бырайыак кыттыылаахтара «Сардаҥа» уһуйаан уонна Н.Е Корнилов аатынан олохтоох култуура дьиэтэ тэрийэн ыыттылар. Түмүктээн эттэххэ, нэһилиэк дьаһалтата дьонун-сэргэтин кытта ыкса сибээстээхтик үлэлиирэ бу да тэрээһиҥҥэ көһүннэ.
Иван Сивцев — Бээди
Хаартыскалар: Пелагея Соловьева альбомуттан
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа сибээһи ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…