Хаартыска Н.Сивцев тиксэриитэ
Сылы эргиччи үлэлиир, араас хайысхалаах элбэх үлэни ис сүрэхтэриттэн баҕаран тураннар толорор дьоҥҥо түбүктэрэ өссө элбээтэ.
Ол курдук Улуу кыайыыга аналлаах эппиэтинэстээх тэрээһиҥҥэ бэлэмнэнэллэр. Бүгүҥҥү күҥҥэ байыаннай дьайыыга сылдьар биир дойдулаахтарбытын кытта көрсөллөр, Кыайыы күнүнэн бэлэхтэри туттараллар. Бу туһунан Ньургун Гаврильевич Федоров түмсүү үлэтиттэн бэрт кылгастык да буоллар сырдатта.
Биһиги төһө да дойдубутуттан тэйэн Дьокуускайга олордорбут, дойдубутун, түмсүүнү кытта сибээһи тутан олоробут. Кыра уолбут Вася байыаннай дьайыыга сылдьан бааһыран Москубаҕа госпиталга сыппыта хаһыс да ыйыгар барда. Ол кэмҥэ Дүпсүн түмсүү аатыттан салайааччылара Сивцев Сергей Гаврильевич хаста даҕаны көрүстэ, дойдутун сибиэһэй аһын-үөлүн бэлэх оҥорон туттарда. Онтон нэһилиэк баһылыга Сивцев Николай Николаевич бэйэтэ сылдьан кэпсэтэн, нэһилиэгин олохтоохторун ааттарыттан саха быһаҕын туттарбыта.
Биһиги Бээди уонна Дүпсүн олохтоохторо маннык салайааччылаахпытынан киэн туттабыт.
И Сивцев-Бээди
Хаартыска: ааптар тиксэриитэ
Бүгүн Орджоникидзе болуоссатыгар Улуу Кыайыы 80 сылыгар анаммыт И.Ф. Дьячковскай аатынан Ис дьыала министиэристибэтин түмэлэ…
Бу иннинэ саайтка Г.Н. Васильев “Сыма уонна атын астар” кинигэтиттэн мээкиндэни хайдах бэлэмниир туһунан быһа…
Дьокуускайга Пушкин уулуссатыгар турар дьиэ Кыайыы күнүн көрсө киэркэйдэ, тубуста. Бу дьиэ үлэҕэ киирбитэ балачча…
Бүгүн Доҕордоһуу болуоссатыттан Орджоникидзе болуоссакка тиийэ оскуола оҕолоро, устудьуоннар, үлэ кэлэктииптэрэ, бэтэрээннэр түмсүүлэрэ, үҥкүү ансаабыллара…
Улуу Кыайыы 80 сылыгар ананар Бүтүн Арассыыйатааҕы "Кыайыы түннүктэрэ" аахсыйаҕа биһиги нэһилиэкпит тэрээһиннээхтик кыттар. Маныаха…
Кыырай эрэ, Кыталык буолан, Кырдалы,сыһыыны үрдүнэн Кыайыы ырыата! С.С.Васильев-Борогонскай Улуу Кыайыыны үйэтитиигэ аналлаах нэһилиэк ытык…