Хаарытска Уус Алдан улууһун дьаһалтатын пресс-сулууспатыттан
Бу күннэргэ Москваҕа буолар турар «Көмүс күһүн» Арассыыйа агропромышленнай быыстапкатыгар «Дүпсүн» тыа хаһаайыстыбатын кэпэрэтииибэ оҥорбут арыыта бастыҥынан ааттанна.
Бу быыстапкаҕа Уус Алдан улууһуттан тыа хаһаайыстыбатын астыыр-үөллүүр салаатын биир бастыҥ үлэлээх «Дүпсүн» ТХППК-тын бородууксуйата бастыҥынан бэлиэтэннэ.
Бу туһунан биир дойдулаахтарын үрдүк ситиһиилэринэн эҕэрдэлээн туран, Уус Алдан улууһун дьаһалтатын пресс-сулууспата иһитиннэрэр.
Сыл ахсын Тыа хаһаайыстыбатын үлэһиттэрин күнүн көрсө РФ Тыатын хаһаайыстыбатын министиэристибэтин көҕүлээһининэн «Көмүс күһүн» диэн улахан агропромышленнай быыстапка ыытыллар. Бу тэрээһин 1999 сылтан саҕалаан дойду тыатын хаһаайыстыбатын астыыр бырамыысалыннаһын үлэһиттэрин түмэр.
Быйыл 25-с төгүлүн ыытыллар быыстапка Москваҕа К.А. Тимирязев аатынан Арассыыйатааҕы судаарыстыбаннай аграрнай университет баазатыгар ыытылынна. Манна дойду бары муннугуттан агропромышленнай комплекс араас салааларыттан кытталлар, бэйэлэрин үлэлэрин, ситиһиилэрин билиһиннэрэллэр.
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…