Саха сиригэр проводной сибээс 1927 с. киирэн барбыта. Дьокуускайтан саҕалаан Төҥүлү, Бороҕон, Нам хайысхаларынан. Ол иһигэр Уус Алдан. Оччоттон баччааҥҥа диэри төһөлөөх остуолба турбута төһөлөөх боруобат тардыллыбыта буолуой?
Дьэ, маны күннэтэ көрөр-истэр, түүннэри-күнүстэри тохтообокко үлэлиирин хааччыйар аналлаах үлэһиттэр бааллар. Биир оннук үлэһитинэн Уус Алдаҥҥа Дүпсүн сибээһин, учаастагын маастара, Бээдиттэн төрүттээх Сивцев В.В. буолар. Этэргэ дылы, сибээс баар, олох баар. Маныаха кини сайдыы төрдө эмиэ сибээс диэн баран түүнүн, күнүһүн аахсыбакка тиһиктээхтик үлэлээбитэ лоп курдук отут сыла буолла. Бу күннэргэ Василий Васильевич 60 сааһын туолла. Онон ити күн киниэхэ икки бүк дьолу, үчүгэйи, үөрүүңү тосхойор.
Төрөөбүт күн сыл аайы кэлэр. Ол гынан баран, Василийга бу бэлиэ күннэр быйыл бииргэ түбэспиттэр. Ону эмиэ уратытык бэлиэтээтэ. Кини этэр: «Биир киэһэ мустан аһаан-сиэн, уруй-айхал тылларын этэн баран тарҕаһан хаалар тутах. Ол оннугар, нэһилиэкпэр дьону-сэргэни түмэр уонна сэргэхситэр туһуттан, итиэннэ туһалаах буоллун диэн, бильярд күрэхтэһиитин тэрийдим диэн. Аныгылыы эттэххэ, спонсор эҥин көрдөөбөккө, үбүн-харчытын барытын бэйэӎ уйуннум. Оннук даҕаны буолуохтаах. Бэйэм бырааһынньыгым буоллаҕа дии». Бириистэрэ барыта сакааһынан интэриниэт маҕаһыынтан атыылаһыллыбыттар, грамотата, мэтээллэрэ, сувенирдара элбэх. Кыттыбыт киһи миэстэлэспэтэҕинэ даҕаны илии тулуурдаах төннөрүн курдук араас анал ааты толкуйдаан киллэрбит.
Василий Васильевичка үлэлиир ҭэрилтэтэ Ростелеком өр сыллаах эҥкилэ суох үлэтин иһин СӨ сибээһин туйгуна диэн бочуоттаах ааты иҥэрдэ уонна түөскэ кэтэр анал бэлиэнэн наҕараадалаата. Онтон нэһилиэгин салалтата нэһилиэк социальнай-экэнэмиичэскэй сайдыытыгар кылаатын иһин бэлиэнэн наҕараадалаата. Улуус баһылыга илии баттааһыннаах биир итинник наҕарааданы эмиэ туттардылар. В.В.Сивцев хаһыат нөҥүө нэһилиэк сибээһэ эҥкилэ суох үлэлиирин ситиһэригэр көмөлөрүн иһин нэһилиэгин салалтатыгар махталын биллэрэр. Үбүлүөйүнэн күрэхтэһиитин тэрийэригэр наадалаах малы-салы уларсан көмөлөспүт кулууп дириэктэригэр Стручкова А. А. махталын биллэрдэ. Күлүмнүүр технопарка дириэктэригэр Кудрин Г. Г. бильярд курэхтэһиитин тэрийэргэ сааланы уларсыбытыгар барҕа махтал буолуохтун диэн эттэ.
Мин Дүпсүнтэн төрүттээхпин. Урукку өттүгэр биһиги ңэһилиэккэ маннык күрэхтэһиилээх аһаҕас үбүлүөй буолбутун өйдөөбөппүн. Онон туох даҕаны омуна суох Василий Васильевич нэһилиэгин култуурунай олоҕор биир саҥа сырдык сүүҏээни киллэрбитэ саарбахтаммат. Нэһилиэк олохтоохторун түмэр күүһэ муҥура суох. Түмүкпэр ханна түмсүү баар, онно кыайыы баар диэн этэбин.
И.Сивцев-Бээди.
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…
Ыам ыйын 15 күнүгэр Дьиэ кэргэн аан дойдутааҕы күнүн бэлиэтээтибит. Онон бүгүн айанньыт, орнитолог, фотограф,…
Нам улууһугар Арбын уонна Түбэ сэлиэнньэлэрин икки ардыларыгар муус дьапталҕатын эстэрии ыытыллыбыта түмүктэри аҕалла. Онно…
Психолог сүбэтэ Ксения Ивашковская – Психоневрология өрөспүүбүлүкэтээҕи диспансерын килиниичэскэй психолога, дьиэ кэргэн психолога, консультант,…
Байыаннай дьайыы саҕаланыаҕыттан амарах санаалаах дьон, волонтердар күүс-көмө буолаллар, үгүстэрэ бэйэлэрин сүрүн үлэлэрин таһынан. Госпиталларга…