Е-Якутияҕа «”Забота” байыаннай сулууспалаах дьиэ кэргэнин пааспара» өҥө саҥа таһаарыытын көрүҥэ үлэлээтэ

Е-Якутия порталга «”Забота” байыаннай сулууспалаах дьиэ кэргэнин пааспара» өҥө саҥаттан таһаарыыта үлэҕэ киирбитин туһунан СӨ бырабыыталыстыбатын бэрэссэдээтэлин солбуйааччы Георгий Степанов алтынньы 20 күнүгэр кэпсээтэ.

«Сыыппара көмөлөһөөччүтэ байыаннай дьайыы кыттыылаахтарыгар уонна кинилэр дьиэ кэргэттэригэр көрүллэр өйөбүллэри барытын түмэр. Итини туһанан ылыллыахтаах көмөнү чэпчэкитик буларга уонна хайдах ыларга, туһанарга көмөлөһүө. Өҥө байыаннай дьайыы кыттыылаахтарыгар уонна кинилэр дьиэ кэргэттэригэр көрүллэр өйөбүллэр, чэпчэтиилэр испииһэктэрин түмүөҕэ.  Өйөбүл миэрэлэрэ 11 сүрүн хайысхаҕа арахса сылдьаллар – көмө бары көрүҥнэрэ табыгастаахтык арыллан иһэр менюга угуллубуттар. Түмүктэри бэйэҕэ хаалларыахха  эбэтэр электроннай буостанан ыытыахха сөп”, — диэтэ Георгий Степанов.