Бу күннэргэ Эбээн Бытантай улууһун Дьарҕаалаах сэлиэнньэтигэр киин ититии ситимэ холбонно. Бу үөрүүлээх сонуну нэһилиэк баһылыгын солбуйааччы Евгений Иванов иһитиннэрдэ:
— 2019 сыллаахха ОДьКХ ГУП ситиминэн автоматизированнай хочуолунай тутуллубута. Бу хочуолунайга нэһилиэкпит бары социальнай эбийиэктэрэ уонна 13 ыал холбоммута. Бэлиэтээн эттэххэ, олохтоох көҕүлээһини өйүүр бырагыраама киириэҕиттэн, биһиги сыл ахсын манна кыттабыт уонна үбүлээһиҥҥэ өрүү тиксэбит. Ол курдук, Үп министиэристибэтин өйөбүлүнэн, бу бырагыраамаҕа кыттан кыайбыттарга 1,5 мөлүйүөн солкуобай көрүллэр. Биһиги манна кыттан киин ититиибитигэр анаан турбалары атыыласпыппыт.
Быйыл 3,5 мөлүйүөн суумалаах турбалары «Арктическай инжиринговай хампаанньаттан» иэс ыллыбыт. Онон бу ааспыт нэдиэлэҕэ нэһилиэкпитигэр киин ититии икки уулуссаҕа тардылынна. Билигин ити икки уулусса 14 ыала бэйэлэригэр ититии ситимин тардыннылар даҕаны, нэһилиэкпит 100% киин ититиигэ холбонор. Нэһилиэкпит 226 нэһилиэнньэлээх.
Киин ититиини олохтоох уолаттарбыт Николай Гаврильев, Илья Бороненко, Афанасий Иванов тардыбыттара. Түгэнинэн туһанан, Үп министиэристибэтигэр махтанабыт. Төһө да ыраах тайаан сытар нэһилиэк буолларбыт, киин ититиигэ холбоннубут. Киин улуустартан хаалсыбакка олоҕу кытта тэҥҥэ хардыылыырбытыгар олохтоох көҕүлээһини өйүүр бырагыраама өҥөтө улахан.
Ил Дархан Айсен Николаев бүгүҥҥү пресс-кэмпириэнсийэтигэр кэнники сылларга тыа хаһаайыстыбата, ордук үүт бородууксуйатын оҥорууга уонна…
Бүгүн Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ Бүлүүгэ оҕо…
Табаҕа бөһүөлэгэр баһаарга 63 саастаах эр киһи уонна 52 саастаах дьахтар өлбүттэринэн процессуальнай бэрэбиэркэ саҕаламмытын…
Айсен Николаев бүгүҥҥү пресс-кэмпириэнсийэтигэр олохтоох бэйэни салайыныыны реформалааһын бириэмэтигэр саҕаламмытын эттэ. Кини эппитинэн, бу кэнники…
Бүгүн «Патриот» киинигэр буолан ааспыт пресс-кэмпириэнсийэҕэ Ил Дархан Айсен Николаев суруналыыстар ыйытыыларыгар хоруйдаан, өрөспүүбүлүкэҕэ дьиэ…
Ил Дархан Айсен Николаев Саҥа дьыл иннинэ видео-сибээс нөҥүө Чурапчыга, Уус Маайаҕа, Өймөкөөҥҥө, Үөһээ Бүлүүгэ,…