Хаартыска СӨ Баһылыгын уонна Бырабыыталыстыбатын пресс-сулууспатыттан
Эбээн-Бытантай улууһугар биооттугунан үлэлиир саҥа хочуолунай үлэҕэ киирэри турар. Бырайыак олоххо киириитэ РФ Тутууга министиэристибэтин уонна Саха Өрөспүүбүлүкэтин икки ардыларынааҕы сөбүлэһии чэрчитинэн анал казначейскай кирэдьиит үбүнэн оҥоһуллар.
Эбийиэк күүһэ 3 МВт буолуоҕа. Сүрүн уматыгынан мас сыыһа туттуллуоҕа, бу экологическай өттүнэн ыраас уонна куттала суох энергия источниктарыгар көһөргө кыах биэриэҕэ идэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Тутар-таҥар үлэлэрэ толору түмүктэннилэр. Билигин оборудованиены үлэлэтэргэ уонна хочуолунай үлэтин саҕалыырга бэлэмнэнии барар. Хочуолунайы үлэлэтии 2025 сыл балаҕан ыйын бүтүүтүгэр былааннанар.
Кустуурга 170-тан тахса дьиэ баар, олортон аҥаара күүстээх хочуолунайга холбонон турар. Онтон атын дьиэлэр саҥа эбийиэккэ холбонуохтара. Тутууну СӨ «ОДьКХ» ыытар.
Бу Эбээн-Бытантай улууһугар мас сыыһынан үлэлиир иккис хочуолунай буолар. Бастакы хочуолунай Дьарҕаалаахха 2019 сыллаахха үлэҕэ киирбитэ уонна икки төгүл кыра күүстээх.
Хочуолунай маһы бытарытар сыахтаах буолуоҕа. Толору күүһүгэр киирдэҕинэ сууккаҕа 7 кубометр маһы эрэ сиэҕэ, оттон күүстээх тымныыларга (-40 кыраадыска диэри) — 4-5 кубометры, бу 8-9 кубометр мас сыыһа буолар.
Санатан эттэххэ, 2025 сыл саҕаланыаҕыттан Саха сиригэр икки саҥа хочуолунай үлэҕэ киирдэ, өссө алта эбийиэги сыл бүтүүтэ аһарга былаанныыллар. Саҥа хочуолунайдар Таатта улууһун Боробул уонна Мэҥэ Хаҥалас улууһун Төхтүр сэлиэнньэлэригэр үлэҕэ киирдилэр. Ону таһынан Таатта улууһун Чычымах (7,2 МВт), Мэҥэ Хаҥалас Харбалаах (2,4 МВт), Хаҥалас Кытыл-Дьура (3,45 МВт), Чурапчы Үрүҥ-Күөл (1,5 МВт), Эбээн-Бытантай Кустуур (3 МВт) сэлиэнньэлэригэр эмиэ саҥа хочуолуанйдар тутуллан үлэҕэ киирэн эрэллэр. Саамай бөдөҥ эбийиэк Уус-Алдан улууһун Бороҕон сэлиэнньэтигэр тутулла турар, кини күүһэ 24 МВт буолуоҕа.
Подробнее: https://www.sakha.gov.ru/news/11757
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…
Бэҕэһээ Дьокуускайга "Азия" киинэ тыйаатырыгар Н.О. Кривошапкин аатынан 5 №-дээх оскуола медиа-студиятын киинэлэрин премьернай көрдөрүүтэ…
Дьокуускайга анал байыаннай дьайыы кыттыылаахтарын дьиэ кэргэттэрэ Арассыыйа Федерациятын Уопсастыбаннай балаататын сэкиритээрин бастакы солбуйааччытын, Арассыыйа…