Хаартыска: SakhaGov
Ол туһунан тыа хаһаайыстыбатын уонна ас-үөл бэлиитикэтин миниистирэ Артем Александров бырабыыталыстыба отчуотун кэмигэр иһитиннэрдэ.
Миниистир эппитинэн, 80 төбө сүөһүгэ аналлаах аныгы эбийиэк 2027 сылга тутуллуоҕа, бырайыактыыр-смета докумуона хайыы үйэ бэлэм.
Эбээн Бытантай улууһа төрүт сүөһү дэҥҥэ көстөр боруодатын илдьэ сылдьарынан биллэр.
Улууска бырабыыталыстыба отчуоттара Кустуур, Дьарҕалаах уонна Баатаҕай Алыыта сэлиэнньэлэргэ буоллулар. Отчуоттааччылар кыһыҥҥы суолунан айаннаатылар. Бөлөҕү СӨ бырабыыталыстыбатын бэрэссэдээтэлин бастакы солбуйааччы Дмитрий Садовников иккис сылын салайар.
Бырабыыталыстыба бэрэстэбиитэллэрин кытары көрсүһүүлэргэ олохтоохтор кэккэ ыйытыылары биэрдилэр. Арктика бары улуустарыгар курдук, үгүстэрин сибээс хаачыстыбата долгутар. Түргэн Интэриниэт манна “Арктика Синергията” федеральнай бырайыак чэрчитинэн баар буолуоҕа. Онуоха диэри суһал дьыалалары, ол иһигэр Судаарыстыбаннай өҥөлөрү, быһаарарга «Арктик Wi-Fi» туһаныахха сөп.
«Маннык көрсүһүүлэргэ ордук күндүтэ – аһаҕас кэпсэтии уонна улууска нэһилиэнньэ олоҕун тупсарарга уопсай дьулуһуу”, — диэтэ Дмитрий Садовников.
Биир сыллааҕы ситиһиилэргэ олохтоохтор Кустуур сэлиэнньэтигэр хочуолунайы үлэҕэ киллэриини киллэрдилэр уонна Дьиэ-уот, коммунальнай хаһаайыстыба управлениетын үлэтин иһин махтаннылар. Баатаҕай Алыыта сэлиэнньэҕэ эргиэн-логистика киинэ үлэҕэ киллэриллэрэ күүтүллэр. Сэлиэнньэлэргэ барытыгар олохтоохтору кытары тус кэпсэтиилэр тэрилиннилэр, ону сэргэ туһааннаах дьоннорго наҕараадалары туттардылар.
Санатан эттэххэ, өрөспүүбүлүкэ былааһын ситэриилээх уорганнарын отчуоттара олунньу 2 күнүттэн саҕаланнылар уонна кулун тутарга диэри салҕаналлар.
СӨ Ил Дарханын уонна бырабыыталыстыбатын пресс-сулууспата
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…
Ханнык баҕарар омук бу сиргэ сиик курдук симэлийэн хаалбатын туһугар, хараҕын харатын кэриэтэ харыстыахтаах сүрүн…