Хаартыска: Бытантай уоттара хаһыат
Бу күннэргэ Ыксаллаах быһыы-майгы министиэристибэтин салайааччыта Павел Гарин Саха сиригэр 100 нэһилиэнньэлээх пуун ууга барар кутталлааҕын туһунан иһитиннэрбитэ.
Ол курдук, быйыл Амма, Чурапчы, Таатта, Мэҥэ Хаҥалас, Горнай, Хаҥалас, Алдан, Уус Маайа, Томпо, Уус Алдан, Бүлүү, Өймөкөөн, Аллараа Халыма, Анаабыр улуустарын нэһилиэнньэлээх пууннара ууга барар кутталлаахтар диэн иһитиннэриигэ суруллубута.
Итини сэргэ, Эбээн Бытантай улууһугар Кыһыл Балыктаах уонна Күөгүлүүр күөллэр таһынан тахсар кутталлаахтарын, оччотугар Баатаҕай Алыытын сэлиэнньэтэ ууга барар кутталлааҕа сабаҕаланара этиллибитэ. Бу туһунан Эбээн Бытантай улууһугар Айылҕа харыстабылын инспекциятын салайааччыта Виктор Стручков санаатын үллэһиннэ: «Бу куттал суоһуурун туһунан биһиги СӨ Айылҕа харыстабылын министиэристибэтигэр номнуо 2010 сыллаахтан иһитиннэрэбит. Уу Департаменын исписэлииһин ыытыахтаах этилэр да, билигин да биһиэхэ кэлэ илик. Биһиги бэйэбит өттүбүтүттэн кэтээн көрүүнү ыытабыт. Саас уонна күһүн уу кээмэйин ылабыт, — диир кини.
Санаттахха, Ленскэй оройуонун диэки Өлүөнэ өрүс эстиитэ ыам ыйын бастакы дэкээдэтигэр, Өлүөхүмэҕэ, Хаҥаласка, Намҥа уонна Дьокуускайга ыам ыйын иккис дэкээдэтигэр, Кэбээйигэ ыам ыйын иккис дэкээдэтин бүтүүтэ буолара сабаҕаланар. Итиэннэ ыам ыйын иккис дэкээдэтин устата Алдан, Бүлүү, Амма өрүстэр эстиэхтэрэ диэн Ыксаллаах быһыы-майгы министиэристибэтин сүрүн управлениетын Саха сиринээҕи салаата иһитиннэрбитэ.
Дьылбыт быйыл эрдэлээн иһэр буолан, сайылыктаахтар көһүүлэриттэн саҕалаан, тыа сиригэр үлэ тэтимэ биир кэм оргуйан…
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…