Эбээн-Бытантай улууһун баһаарынайдара байыаннай дьайыыга көмө аахсыйатыгар кыттыһаллар

Эбээн Бытантай улууһун Түгэһиир нэһилиэгин дьаһалтата анал байыаннай дьайыыга  кытта сылдьар биир дойдулаахтарыгар гуманитарнай көмөнү хомуйуу аахсыйатын саҕалаата.  

Үтүө дьыал көҕүлээһинигэр, аахсыйаҕа «Эбээн-Бытантай национальнай улууһа» МТ баһаарынай чааһын кэллэктиибэ эмиэ кыттыста диэн СӨ Судаарыстыбаннай баһаарынай сулууспата иһитиннэрэр.

Аахсыйа чэрчитинэн баһаарынай чаас үлэһиттэрэ нэһилиэк баһылыгар Сергей Аликовка бородуукта нобуорун, бурдук астары, балыгы, эти, о.д.а. хомуйан туттардылар.

«Биһиги, Эбээн-Бытантай олохтоохторун быһыытынан Аҕа дойдуларын көмүскүү сылдьар биир дойдулаахтарыбтын дириҥник ытыктыыбыт уонна өйүүбүт. Бу уолаттарбыт этэҥҥэ сылдьалларыгар биһиги кыракый көмөбүт, кылааппыт буолар», — диэн баһаарынайдар этэллэр.