Хаартыска: www.sakha.gov.ru
Үөрэнээччилэри үлэнэн иитиини сайыннарыыга уонна аграрнай идэлэри киэҥник тарҕатыыга туһаайыллар “Тыа сирин эдэр үлэһитэ — 2025” өрөспүүбүлүкэтээҕи күрэс түмүгүн таһаардылар. Күрэс түмүгүнэн кыайыылааҕынан Эбээн Бытантай национальнай улууһун Р.И.Шадрин аатынан Саккырыыр оскуолатын 10-с кылааһын үөрэнээччитэ Давид Другин буолла.
Кини кыра сааһыттан хос эһэтэ Семен Горохов тэрийбит “Турукан” общинаҕа төрөппүттэригэр көмөлөһөр. Давид дьиэ кэргэнэ табаны иитиинэн дьарыктанар, табалары көрөн, хаһаайыстыба үлэтин толорон сайынын ыстаадаҕа атаарар.
“Ыстаадаҕа мин барыны бары оҥорорго үөрэммитим, инникитин туох даҕаны уустуктан толлон туруом суоҕа дии саныыбын. Биһиги хаһаайыстыбабыт улууска биир бастыҥынан биллэр. Сайын ахсын дьиэ кэргэммэр табалары көрөн, хаһаайыстыбаҕа көмөлөһөн тус кылааппын киллэрэбин дии саныыбын. Сыллата табаһыттар сүлүөттэригэр кыттабын, кэккэ ситиһиилэрдээхпиттэн үөрэбин”, – диэн Давид санаатын үллэстэр.
Кинилэр хаһаайыстыбаларын үлэтин биир сүрүн хайысхатынан, хоромньуну таһаарар адьырҕалары кытта охсуһуу буолар. Дьиэ кэргэн кэлиҥҥи үс сылга 15 бөрөнү бултаан, ыстаадаларын көмүскээбит.
Күрэскэ Арктика үс улууһун киллэрэн туран, 16 улуустан 56 үлэ киирбит. Эдэр кыттааччылар үүнээйи, тыа хаһаайыстыбата, механизация, балыктааһын уонна экология курдук хайысхаларга билиилэрин уонна сатабылларын көрдөрөн, тыа хаһаайыстыбатыгар бэйэлэрин ситиһиилэрин билиһиннэрдилэр.
Ил Дархан уонна Бырабыыталыстыба пресс-сулууспата.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…