Хаартыска: sakha.gov.ru
2024 сылга 1702 пассажир Саккырыыр-Дьокуускай-Саккырыыр хайысханан субсидиялаах билиэттэринэн туһаннылар. Бу туһунан Эбээн Бытантай улууһугар бырабыыталыстыба отчуотугар бастакы вице-премьер Дмитрий Садовников иһитиннэрдэ.
Кини этэринэн, бу сыалга өрөспүүбүлүкэ бүддьүөтүттэн 25,2 мөл. солк. ыытыллыбыт.
“Былырыын Саха сиригэр Арктика оройуоннарыгар билиэттэри субсидиялааһын бырагыраамата салҕаммыта. Эбээн Бытантай оройуонун олохтоохторо анал тарыыбынан 1702 билиэти ылбыттара, онно бүддьүөттэн 25,2 мөл. солк. көрүллүбүтэ”, — диэтэ Дмитрий Садовников.
Анал тарыып кээмэйэ бу ыйыллыбыт маршрукка 9800 солкуобайга тэҥнэһэр уонна сааһыттан тутулуга суох бары олохтоохторго туһаныллар, сүрүн ирдэбилэ – Эбээн Бытантай улууһугар бырапыыскалаах буолуу.
Саккырыыры сэргэ субсидиялаах тиэйиини Арктика оройуоннарынан 13 туһаайыыга оҥороллор. Онон 14 туһаайыынан маннык билиэттэринэн 32 тыһыынча пассажир туһаммыт. Бу сыалга 2024 сылга өрөспүүбүлүкэ бүддьүөтүттэн 625 мөл. солк. көрүллүбүтэ.
Санатан эттэххэ, Судаарыстыбаннай Мунньахха (Ил Түмэҥҥэ) Анал этиитигэр Айсен Николаев Арктикаҕа субсидиялаах билиэти үбүлээһин кээмэйин оннунан хаалларарга эппитэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Дьокуускай полициятын отделыгар олохтоох дьахтар сайабылыанньа түһэрбит. Биллибэт эр киһи суотабай төлөпүөнүн, онтон кэлин баан…
Анаабыр улууһун Үрүҥ Хайа бөһүөлэгин Дьоруой табаһыт Илья Спиридонов аатын сүгэр “Севернай” сопхуос муниципальнай унитарнай…
Дьокуускайга судаарыстыбаннай бэтэринээринэй балыыһаҕа бэтэринээрдэр айаҕар уҥуох киирэн кыбыллыбыт ыты быыһаатылар. Дайна диэн ааттаах, ньиэмэс…
Битэмииннэх утах - тумууну, кирииби сэрэтиигэ күүстээх «көмөлөһөөччү». Утах сүрүн кистэлэҥэ битэмиинэ уонна антиоксидана дэлэйигэр…
Мииринэйгэ миэбэл фирматын менеджерэ килийиэни уонна үлэ биэрээччини 100 тыһыынча солкуобайга албыннаабыт. 42 саастаах эр…
Бу нэдиэлэҕэ Саха сирин тэрилтэлэрэ анал байыаннай дьайыы зонатыгар фроҥҥа наадалаах 10 массыынаны байыастарга анаан…