Салгыы
Эбээн Бытантайга 220 миэстэлээх саҥа оскуола аһылынна

Эбээн Бытантайга 220 миэстэлээх саҥа оскуола аһылынна

08.04.2024, 16:52
Хаартыска - СӨ Аҕа баһылыгын уонна Бырабыыталыстыбатын пресс-сулууспата
Бөлөххө киир:
Эбээн Бытантай улууһун Баатаҕай-Алыыта нэһилиэгэр бүгүн инвестиция бырагырааматынан тутуллубут саҥа оскуола үлэҕэ киирдэ. 
Икки мэндиэмэннээх 3,4 тыһыынча кв.м иэннээх  оскуолаҕа үөрэх кэбиниэттэрин таһынан, лингафоннай кэбиниэт, успуорт уонна аактабай саалалар, медпуун уо.д.а. кэбиниэттэр бааллар.

Ил Дархан Айсен Николаев оҕо хаачыстыбалаах үөрэҕи ыларыгар бары усулуобуйа тэриллиэхтээх диэн бэлиэтээбитэ. РФ Бэрэсидьиэнэ Владимир Путин саҥа оскуолалары тутуу наадатын өрүү ыйар.

Оскуола аһыллыытыгар СӨ Бырабыыталыстыбатын бэрэссэдээтэлэ Кирилл Бычков кыттыыны ылла уонна оҕолорго анаан «өрүү туйгун сыананы ылыҥ, кэскиллээҕи айыҥ, тутуҥ» диэн баҕа санаатын тиэртэ.

Эбээн Бытантай улууһа оҕо төрөөһүнүн көрдөрүүтүнэн инники кэккэҕэ сылдьар, онон саҥа оскуола тутуутун олохтоохтор үөрэ ылыннылар.

Өрөспүүбүлүкэҕэ «Үөрэхтээһин» национальнай бырайыак чэрчитинэн 2024 сылга  6 оскуола 2 уһуйаан киирдэ. Ол курдук, Аллайыаха Чокуурдааҕар 275, Кэбээйи Сайылыгар 275 миэстэлэрдээх оскуолалар,  Амма Абаҕатыгар  150/75 уонна Таатта Туора Күөлүгэр 50 миэстэлэрдээх уһуйааннар аһылыннылар.  Маны таһынан, Дьокуускай куорат 26 №-дээх оскуолатыгар  эбии тутуу дьэндэйдэ.

+1
4
+1
0
+1
0
+1
0
+1
0
+1
0
+1
0
Бары сонуннар
Салгыы
16 июля
  • 23°C
  • Ощущается: 23°Влажность: 64% Скорость ветра: 4 м/с

Сообщить об опечатке

Текст, который будет отправлен нашим редакторам: