Эбээн-Бытантайга саҥа олорор дьиэ үлэҕэ киллэриллиэҕэ

Элбэх кыбартыыралаах олорор дьиэ  «2019-2025  сылларга саахалланар туруктаах дьиэлэртэн гражданнары көһөрүү» бырагырааманан тутуллар.

Тутааччылар билигин дьиэ ис өттүн оҥоро сылдьаллар. Манна 7 киһи үлэлиир.  Тутар тэрилтэ салалтата  СӨ Тутууга уонна олорор дьиэҕэ-уокка судаарыстыба хонтуруоллуур управлениетыгар  түмүктүүр бэрэбиэркэлиир сайаапканы сотору кэминэн ыытаары сылдьар.

«Дьиэ социальнай суолталааҕынан сибээстээн, эбийиэк үлэҕэ киириитин  түргэтитиэххэ наада.  Ол туһугар  тутууга  үлэһит ахсаанын элбэтиҥ», –  диэн  Кирилл Бычков сорудахтаата.

Хоту сиргэ тутуу индустриятын чөлүгэр түһэриигэ   «Жилье и городская среда» национальнай бырайыак төһүү күүһүнэн  буолла. Туһааннаах бырайыагы Владимир Путин 2019  сылга көҕүлээн,  2020  сылтан алта Арктическай улууска элбэх кыбартыыралаах  22 дьиэ тутулунна.