https://www.sakha.gov.ru/
Эбээн Бытантай улууһун Баатаҕай-Алыытыгар сапыраапка тутуутун боппуруоһун СӨ ситэриилээх былааһын отчуотун кэмигэр туруорустулар. Бу туһунан СӨ Бырабыыталыстыбатын бэрэссэдээтэлин солбуйааччы Дмитрий Садовников иһитиннэрдэ.
«Уматыгы таараларга тиэйэн аҕалаллар. Арыый чугас «Саханефтегазсбыт» ыстаансыйата Үөһээ Дьааҥы улууһугар баар. Дьон уматыкка наадыйар. Онон, инникитин улууска туспа сапыраапка ыстаансыйата тутуллуон наада», — диэн Дмитрий Садовников бэлиэтээтэ.
Былырыын Саккырыырга «Үөрэхтээһин» национальнай бырайыак чэрчитинэн 220 миэстэлээх саҥа оскуола тутуллубута. Билигин олохтоохтор аны саҥа уһуйаан уонна баһаарынай депо тутуутун туруорсаллар. Кустуурга уонна Дьарҕаалаахха оскуола тутуутун боппуруоһа быһаарыллыбакка турар.
«Икки тутуу симиэтэтин бырайыагын докумуона бэлэм. Үөрэҕи сайыннарыы бырагырааматыгар кинилэр иккис-үһүс уочаракка бааллар. Ол эрээри аҕыйах кэмпилиэктээх оскуолалар ахсааннарыгар инвестбырагыраамаҕа киирэ иликтэр. Онон тутуу хаһан былааннанара биллибэт», — диэтэ кини.
Нэһилиэк ахсын олохтоохтор быраастар мобильнай биригээдэлэригэр уонна онкологическай киин кэмигэр тутуллубутугар махтаннылар.
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…