Эбэтин харчытын суйдаппыт

Түөкүттэр оҕону да албынныылларын кэрэйбэттэр. Харчы харбаан ылар туһуттан тугунан барытынан олуйаллар-моһуйаллар.

ИДьМ 2 №-дээх полиция отделын дьуһуурунай чааһыгар 66 саастаах биэнсийэлээх үҥсүү түһэрбит. Сиэнэ түөкүттэргэ албыннатан, эбэтин 70 тыһыннчатын суйдаппыт.

Быһаарыллыбытынан, 8 саастаах кыысчаан мобильнайга «Роблокс» оонньообутун түмүгэр билбэт дьонуттан эбии босхо баал ылыан сөбүн туһунан иһитиннэриини туппут. Оҕо барахсан сөбүлэспит уонна бу түөкүттэр этиилэринэн эбэтин каартатын дааннайдарын ыыппыт. Салгыы эмиэ бу дьон ыйыыларын-кэрдиилэрин барытын толорбут. Ол т үмүгэр, түөкүттэр биэнсийэлээх дьахтар харчытын, 70 тыһыынчаны, суйдаан ылбыттар.

Ытыктабыллаах төрөппүттэр! Түөкүттэр суотабайынан албынныылларын туһунан оҕолоргутугар этиҥ, өйдөтүҥ. Тус иһитиннэриини, ол иһигэр баан каартатын даанайдарын кимиэхэ да этэн биэриэ суохтаахтарын туһунан этий, өйдөтүҥ. Билбэт дьоннорун кытта кэпсэппээтэхтэрэ ордук буоларын быһаарыҥ.

СӨ ИДьМ пресс-сулууспата