Эбии Ми-8 бөртөлүөттэр көмөҕө кэлиэхтэрэ

От ыйын 6 күнүнээҕи туругунан Саха сиригэр  164 тыһ. гектар сиргэ 140 ойуур баһаара бэлиэтэннэ.

СИА иһитиннэрбитинэн, кэлиҥҥи сууккаҕа 32 саҥа түбэлтэ баара билиннэ, 11 ойуур баһаара бохсулунна. Балаһыанньа уустугурдаҕына, Ыксаллаах быһыы-майгы эрэсиимэ биллэриллиэҕэ. Ил Дархан Айсен Николаев туруорсуутунан Арассыыйатааҕы Ыксаллаах быһыыга-майгыга министиэристибэтэ эбии өссө икки ойуур баһаарыгар үлэлиир бөртөлүөтү көмөҕө ыытыаҕа. Маны таһынан, Бе-200 амфибия сөмөлүөттэр баһаары бохсор үлэҕэ бэлэмнэр.