Хаартыска: ааптар түһэриитэ
Алексей Еремеев, Ил Түмэн спикерэ:
-14-с пленарнай мунньахпыт балачча ситиһиилээхтик ааста. 51 боппуруостан турар бэбиэскэ барыта көрүлүннэ. Барыларыгар үчүгэй быһаарыыны ылынныбыт. Төрүт Сокуоҥҥа киирэр уларытыылары бэҕэһээ ылыммыппыт, итиннэ дьон долгуйар төрүөтэ суох, барыта өрөспүүбүлүкэ сайдыытыгар туһуланаллар.
Бүгүн бастакы ааҕыыга өрөспүүбүлүкэ бүддьүөтүн туһунан сокуон барылын ылынныбыт, балачча уустук диэн этиэххэ наада. Ол гынан баран, социальнай эбэһээтилистибэлэр, ол иһигэр төлөбүрдэр, хамнас, о.д.а. эбэһээтилистибэлэр барыта оннунан хааллылар. Иккис ааҕыыларга элбэх этии киирэрэ буолуо, тоҕо диэтэххэ дохуот хас да источнигыттан үп-харчы эбии киириэхтээх, онон сорох категорияларга эбэн биэртэлиэхпит: арктическай зонаҕа, тыа хаһаайыстыбатыгар. Онон иккис ааҕыыларга биһиги билиҥҥи балаһыанньанан балачча бары өттүнэн ыараҥнатан көрүллүбүт, сөптөөх бүддьүөтү ылыныахпыт.
Ону кытта биир дьоһун суолталаах дьыаланан Госдумаҕа тахсыбыппытын бэлиэтиибин. Саха сиригэр 2017 сыл тохсунньу 1 күнүгэр диэри саахалланар кутталлаах диэнинэн биллэриллибит дьиэлэри саҥа дьиэнэн солбуйуохтаахтара. Ити испииһэккэ баар 9 тыһыынча кэриҥэ ыал дьиэнэн хааччылла илик. Госдумаҕа федеральнай бүддьүөт үбүн туһанан, бу ыаллары саҥа национальнай бырайыак чэрчитинэн саҥа дьиэлэргэ көһөрөр туһунан өрөспүүбүлүкэ сокуонун бырайыагын киллэрбиппит. Госдума туһааннаах кэмитиэтин кытта сөптөөх үлэ ыытылынна, онон бу дьиэ кэргэттэр социальнай кырдьыктара кыайыахтаах.
Олунньу 2 күнүттэн Саха сиригэр бырабыыталыстыба отчуота үгэс быһыытынан, сирэй көрсөн ыытыллыаҕа. Көһө сылдьар мунньахтарга …
Дьокуускай куорат 70 саастаах олохтооҕо пайщиктаахтар харчыларын уоруутунан тэриллибит холуобунай дьыала барыллаан силиэстийэтэ түмүктэннэ. Силиэстийэ…
Саха сирин олохтоохторугар хомунаалынай өҥө счетчиктарын көрдөрүүлэрин МАХ-ка чат-бот нөҥүө биэрэр кыах үөскээтэ. Бу сыыппара…
“Энэргиэтикэ” хайысхатыгар РФ Судаарыстыбаннай сэбиэтин хамыыһыйатын бастакы мунньаҕар ааспыт сыл түмүгүн таһаардылар уонна 2026 сыллааҕы…
Аҕа дойду Улуу сэриитигэр Ленинград куорат 872 күннээх өстөөх ытарчатын тулуйбута. Бу ытык сир көмүскэлигэр…
Ааспыт сууккаҕа Саха сиригэр буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…