«Өбүгэ ситимэ» ансаамбыл Сочига ситиһиитэ

От ыйын 6 күнүгэр Сочи куоракка ыытыллыбыт «Планета искусств» норуоттар икки ардыларынааҕы бэстибээлгэ «Арчы дьиэтэ» духуобунай култуура киинин иһинэн айымньылаахтык үлэлиир «Өбүгэ ситимэ» фольклорнай ансаамбыл ситиһиилээхтик кыттан, кыайыы өрөгөйүн биллэ.

Ол курдук, өрө көтөҕүллүүлээхтик, биһиги ансаамбылбыт бу сыллааҕы  айар үлэтин түмүктээтэ диэн «Өбүгэ ситимэ» фольклорнай ансаамбыл салайааччыта Наталия Сивцева-Күбэйэ Дьүрүлгэн кэпсиир.

«Өбүгэ ситимэ» фольклорнай ансаамбыл хас биирдии  кыттыылааҕар, саха норуотун тылынан уус-уран айымньытын жанрдарын өрө тутан, инники күөҥҥэ илдьэ сылдьан тарҕатарга күүс-көмө, өйөбүл-тирэх буоларгытын иһин махтанабын! Барыгытыгар ситиһиини, бигэ эрэли баҕарабын!», — диэн Наталия Сивцева-Күбэйэ Дьүрүлгэн махталын этэр.