Өбүгэ үтүө үгэһин утумнааччылар күрэстэрин кыайыылаахтара кимнээҕий?

Саха дьахтара кыраҕы хараҕынан кыҥаан, имигэс илиитинэн бигээн ууран-тутан, чочуйан тикпит ииһэ күн бүгүҥҥэ диэри биһигини сөхтөрөр, кэрэхсэтэр, умсугутар.

Өбүгэбит үгэһин дьоҥҥо-сэргэҕэ көрдөрөр, үүнэр көлүөнэҕэ тириэрдэр «Кыһын Саха сириттэн саҕаланар” бэстибээл чэрчитинэн «Сылаас тыыннаах өбүгэ таҥаһа» сахалыы кыһыҥҥы таҥас күрэһэ уран тарбахтаах иистэнньэҥнэри, сиэдэрэй симэхтээх маастардары уонна өбүгэ таҥаһын сэҥээрээччилэри түмэ тарта.

Күрэс 3 анал бөлөҕүнэн ыытылынна:
1 бөлөх — уран тарбахтаах оҕолор;
2 бөлөх — иис эйгэтигэр саҥа дьарыктанан эрэр иистэнньэҥнэр икки ардыларыгар;
3 бөлөх — норуот маастардарын икки ардыларыгар.

Күрэс 3 көрүҥүнэн ыытылынна:
1 көрүҥ — үгэс буолбут кыһыҥҥы саха танаһа;
2 көрүҥ — аныгылыы тигиллибит күннэтэ кэтиллэр кыһыҥҥы саха таҥаһа;
3 көрүҥ – хаттык таҥастар

Күрэскэ Эбээн Бытантайтан, Усуйаанаттан, Абыйтан, Сунтаартан, Кэбээйиттэн, Чурапчыттан, Горнайтан, Уус Алдантан, Хаҥаластан, Намтан, Хатастан уонна Дьокуускайтан уопсайа 60 кыттааччы кытынна.
Дьүүллүүр сүбэҕэ үлэлээтилэр: норуот маастара, СӨ үөрэҕириитин уонна култууратын туйгуна, «Сардаана” муода тыйаатырын салайааччыта Понохова Зинаида Дмитриевна, Арассыыйа наукатын академиятын Сибиирдээҕи салаатын Гуманитарнай чинчийии уонна хотугу аҕыйах ахсааннаах омуктар кыһалҕаларын чинчийэр институтун үлэһитэ, устуоруйа наукатын хандьытаата Данилова Наталья Ксенофонтовна, СӨ култууратын үтүөлээх үлэһитэ, «Арчы Дьиэтэ» духуобунай култуура киинин салайааччыта Андреева Лариса Константиновна.

Күрэс түмүгүнэн кыайыылаахтарынан буоллулар:

Кылаан Чыпчаал — «Дьэр утума» түмсүү салайааччыта Белолюбская Мария Николаевна Хаҥалас улууһа, Дьэр нэһилиэгэ.

Үгэс буолбут кыһыҥҥы саха танаһа көрүҥэр:

1 Үрдэл — Игнатьева Ольга Романовна, Ханалас улууһа, Нөмүгү;

2 Үрдэл — Степанова Раиса Васильевна, Дьокуускайдааҕы «Арчы Дьиэтэ»;
3 Үрдэл — Аммосова-Быканова Мария Николаевна, Усуйаана улууһа.

Аныгылыы тигиллибит күннэтэ кэтиллэр кыһыҥҥы саха таҥаһыгар:

1 Үрдэл — Табохова Оксана Ивановна, Дьокуускай куорат;
2 Үрдэл — Захарова Мария Николаевна, Усуйаана улууһа;
3 Үрдэл – Телеева Александра Ильинична, Дьокуускай куорат.

Хаттык таҥас көрүҥэр:

1 Үрдэл – Султашова Клара Николаевна, Горнай улууһа, Маҕарас;
2 Үрдэл — Гермогенова Антонина Алексеевна, Хаҥалас улууһа;
3 Үрдэл — Терешкина Клавдия Николаевна, Дьокуускай куорат.

Анал ааттар:

“Сатабыллаах иистэнньэҥ» — Токоемова Сардаана Ивановна, Хатас нэһилиэгэ;
«Өбүгэ үгэһин сөргүтүү» — Егорова Алдана Иннокентьевна,  Уус Алдан, Бороҕон;
«Өбүгэ үгэһин утумнааччы» — Горохова Тамара Дмитрьевна, Эбээн Бытантай улууһа;
«Ураты тыыннаах иистэнньэҥ» — Александрова Туяра Иннокентьевна, Дьокуускай куорат;
«Кэскиллээх иистэнньэҥ» — Нестерова Лилия Вячеславовна;
Салайааччылар: Бубякина Вероника Афанасьевна, Алексеева Айталина Ивановна,  Дьокуускай куорат Ф. И. Авдеева аатынан Оҕо айымньытын дыбарыаһын «Кустук», «Иис ситис» куруһуоктар.
“Күннэтэ кэтиллэр кыһыҥҥы саха таҥаһын бастыҥ көстүүтэ” — Тордуянов Иван Иванович,  Уус-Алдан, Бороҕон;
“Саха таҥаһын үйэтитээччи” —  Лугинова Софья Гаврильевна, Чурапчы улууһа;
“Талба талаан” —  Абрамова Ирина Васильевна, Дьокуускай куорат;
“Уран тарбахтаах иистэнньэҥ” — Григорьева Софья Ивановна, Сунтаар улууһа
«Саҥа аат» — Тролукова Елена Николаевна, Дьокуускай куорат.
Кыайыылаахтары, кыттааччылары истиҥник эҕэрдэлиибит!
Эһиги бааргыт үйэлээҕи үөдүтээччилэр,
Оһуор-дьарҕаа түһэрээччилэр,
Илиигит итиитин таҥаска иҥэрэн,
Дууһаҕыт ырыатын оһуорга тиһэн,
Үтүөкэн оҥоһуктары хаалларааччылар.
Өбүгэ үтүө үгэһин утумнааччыларга баҕарабыт.
Айымньылаах үлэни, ситиһиилэри!
Кэрэ кэпсээҥҥэ киирбит талба таҥаспыт кэрэхсэнэ туруохтун!

Любовь КОНСТАНТИНОВА-КЫТАЛЫ КУО