Өбүгэлэрбит оонньуулара уонна ГТО

Горнай улууһун оскуолаларыгар оҕолор чэгиэн доруобуйалаах, бэйэлэрин кыанар, сүүрэр-көтөр, түргэн-тарҕан туттунуулаах буолалларыгар болҕомто ууруллар.

«От спорта предков к золоту ГТО» бырайыак олоххо киллэриллэринэн сибээстээн, өбүгэлэрбит оонньууларын үөрэтэр ордук туһалаах, көмөлөөх буолуо диэн бэлиэтииллэр.

Үтүө түмүктэри ситиһэр туһуттан, Кировскайга оскуолаҕа ааттаах- суоллаах спортсменнары ыҥыран ыалдьыттаттылар, маастар-кылаастар ыытылыннылар. Үөрэнээччилэр СӨ успуорт маастара, Уһук Илин ФУо чэпчэки атлетикаҕа чөпүйүөнэ Кай Адамов, СӨ уонна РФ успуорт маастара Амелия Алексеева, национальнай многоборьеҕа уонна ыстаҥаҕа СӨ успуордун маастара Евгения Адамова кэпсииллэрин болҕомтолоохтук иһиттилэр, ыйытыылары биэрдилэр, сүбэ-ама ыллылар диэн улуус дьаһалтатын пресс-сулууспата суруйар.

Хаартыска Горнай улууһун дьаһалтатын саайтыттан