Хаартыска: Светлана Копыленко тиксэриитэ
Аны санаатахпына, бу түмэлгэ үлэлиэм, төрөөбүт нэһилиэгим алаастарын, дьонун-сэргэтин туһунан үөрэтиэм, чинчийиэм иһин иннибэр кэтэһэн турарын бэлиэтэ эбит. Быйыл кыстыгы этэҥҥэ туораан, от-мас тыллан сайын кэлиитэ киһини бары күөх тыаҕа, айылҕаҕа угуйар кэмигэр, эмиэ буоларын курдук кучуйсан өтөхтөрү кэрийэ бардыбыт.
Урукку өттүгэр хаһан да сылдьыбатах өтөхтөрбүнэн, ыллыктарынан сылдьан соһуччу булумньуланан үөрдүм даҕаны, дьаахханным даҕаны. Ол эрээри, айылҕаны, бэйэбин кэтэнэн, иһиллэнэн туох да киһи сибииккиирин билбэтим. Булумньум бэрт чычаастык сытар тимир малтан саҕаланна. Аны, туостаах тирии илдьиркэйэ тахсан кэллэ. Онтум мин көрдөхпүнэ, улахан түмэллэр каталогтарыгар көрөр бэрт былыр сүктэр сааһыгар сылдьар кыыс сыалыйатын санатта. Оҕуруота, салбырҕаһа элбэҕэ сөхтөрдө. Оҕуруоларын саба сытыйан саккырыы сылдьаллар, тимиртэн оҥоһуллубут, бөдөҥ оҕуруолар тиһиллибит тирии быаларыгар холбуу бааллыбыт маллар биһиги түмэлбитигэр суох маллар.
Санаабар сиэри-туому барытын тутустум. өбүгэлэрбитигэр, өтөх, эбэ иччилэригэр махтанным. Өбүгэм булларбытыгар бүк эрэнэн түмэлбитин өбүгэлэр таҥнар таҥастарын култууратын, итэҕэлин туоһута буолар малынан өссө байыттыбыт. Дьон көрүүтүгэр сотору кэминэн тахсыа диэн сонуммун ааҕааччыларга тиэрдэбин.
Светлана Копыленко,
Харбалаах, Үөһээ Бүлүү
Хаартыскалар: Светлана Копыленко тиксэриилэрэ
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…
Дьокуускай киинигэр Киров уулуссаҕа баар түүҥҥү аралдьытар тэрилтэ аттыгар түөрт киһи икки уолу кырбаабыттар. Бэрэбиэркэ…
Тымныы полюһа Өймөкөөн Тымныытын сирэйдиир икки мэҥэ бэлиэ баар – Дьыл оҕуһа уонна Чысхаан. Тымныы…
Ил Дархан Айсен Николаев Дьокуускайга оробуочай сырыытынан кэлбит «Газпромбанк» АУ вице-бэрэсидьиэнинэн, «Үрдүк технологиялаах мэдиссиинэ көмөтө»…
СӨ Бырабыыталыстыбатын Бэрэссэдээтэлин солбуйааччы Сергей Местников, дойду Бэрэсидьиэнин Владимир Путин быһа эпиирин кэннэ, өрөспүүбүлүкэҕэ култууралар…
Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин олохтоохторун бырааптара кэһиллибитин туһунан…