Эчэйбит байыастарга көмөлөһөөрү эмчиттэр биир ый үлэлиэхтэрэ

Саха сирин быраастарын биригээдэтэ Ростов уобалаһыгар анал байыаннай эпэрээссийэҕэ эчэйбит байыастарга мэдиссиинэ уонна уйулҕа көмөтүн оҥоро бараары бэлэмнэнэр.   

Бу туһунан брифиҥҥэ Дьокуускай куораттааҕы 3-с №-дээх балыыһа кылаабынай бырааһа Светлана Давыдова эттэ, диэн СИА иһитиннэрэр.

Быраастар бааһырбыт байыастарга мэдиссиинэ уонна уйулҕа көмөтүн салгыы оҥороллор. Кинилэр Дуоннааҕы Ростовка уонна Севастопольга эмтэнэллэр.

Бу барыахтаах биригээдэҕэ алта эмчит киирсэр. Ол курдук, анестезиолог-реаниматолог, хирурдар, психиатр, медбыраат. Эмчиттэр Ростов уобалаһыгар тохсунньу 23 күнүгэр тиийиэхтэрэ уонна онно биир ый устата үлэлиэхтэрэ.

Дьулустаан Сергеев, СИА

Хаартыска: СИА