Хаартыска: СИА
Дьокуускайга национальнай многоборьеҕа уолаттар уонна кыргыттар ортолоругар күрэхтэһии түмүктэннэ.
Манчаары оонньууларыгар 32 путевка бас билээччилэрэ уонна саҥа чөмпүйүөннэрэ быһаарылыннылар. Күрэхтэһиигэ 32 уол уонна 23 кыыс кытыннылар. Кинилэр ортолоругар Манчаары оонньууларыгар 16-лыы путевка оонньонно.
Национальнай многоборьеҕа Федерациятын быраабылатынан, уолаттар национальнай ыстаҥаҕа, тутум эргииргэ, мас тардыһыыга, сүүрүүгэ уонна хапсаҕайга кииристилэр.
Күрэхтэһии түмүгүнэн Горнай улууһуттан Айаал Бурцев буолла. Ыстаҥаҕа үһүс миэстэ оттон тутум эргииргэ тохсус миэстэ буолбута.
Иккис миэстэҕэ Сунтаар спортсмена Владимир Потапов таҕыста. Саалаҕа эдэр спортсмены оройуон баһылыга Анатолий Григорьев өйөөтө. Эдэр атлет ыстаҥаҕа бастакы миэстэ, сүүрүүгэ уонна хапсаҕайга иккис буолбута. Турнир сүрүн киирсиитэ Потапов уонна Бурцев икки ардыларыгар барда.
Үһүс миэстэни Чурапчы улууһуттан Петр Попов ылла.
Салгыы уолаттар ортолоругар бочуоттаах миэстэлэргэ Кэбээйи, Үөһээ Бүлүү, Таатта (икки), Хаҥалас, Ленскэй, Нам, Бүлүү, Муома уонна Анаабыр оройуоннарын бэрэстэбиитэллэрэ таҕыстылар. Чопчу бу улуустар Таатта улууһугар Манчаары оонньууларыгар кыттар быраабы ыллылар.
Кыргыттарга уопсай сууманан Ванесса Андреева лидердээтэ. Кини Таатта улууһун иккис хамаандатын билиһиннэрдэ.
Иккис миэстэни Кэбээйи улууһуттан Алгыстаана Чемчоева, үһүс Сунтаар улууһуттан Жанна Чалбанова ыллылар.
Салгыы миэстэлэргэ Таатта, Мэҥэ Хаҥалас, Нам, Хаҥалас, Үөһээ Бүлүү, Горнай, Уус Алдан, Абый, Мииринэй, Чурапчы, Өлүөхүмэ, Булуҥ уонна Эбээн- Бытантай улуустарыттан тарҕастылар. Кинилэр эмиэ Манчаары оонньууларыгар кыттыахтара.
Уус Алдан улууһугар Бороҕон -- Танда суолунан айаннаан иһэр дьон икки оҕолоох тайаҕы көрдүлэр. Ыҥаахтар…
Уус Алдаҥҥа РФ үтүөлээх уонна образцовай кэлэктиибэ, Саха хомсомуолун бириэмийэтин лауреата "Кэнчээри" оҕо ырыа-үҥкүү норуодунай…
Бэс ыйын 28-29 күннэригэр Туймаада ыһыаҕа буолаары турар. Ыһыахха бэлэмнэнии туһунан Дьокуускай куорат аҕа баһылыга…
Бильярды таптааччылар ахсааннара элбээн иһэрэ бэлиэтэнэр. Күрэхтэһиигэ оҕотуттан ытык кырдьаҕаһыгар тиийэ, оннооҕор Москваттан кытары кэлэн…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Абитуриеннарга, кинилэр төрөппүттэригэр анаан быйыл орто анал үөрэххэ туттарсыыга уонна тус сыаллаах үөрэххэ аналлаах “Учись…