Эдэр дьахтар атын киһи баайын-дуолун атыылаабыт
27.06.2025, 18:00
Хаартыска: СИА.
Бөлөххө киир:
Ис дьыала министиэристибэтин Дьокуускайдааҕы 2-с нүөмэрдээх дьуһуурунай чааһыгар куортамҥа биэрэр кыбартыыратыттан малын-салын уордарбыт дьахтартан сайабылыанньа киирбит.
Дьахтар куортамҥа биэрэр дьиэтин бэрэбиэркэлии кэлбитигэр дьыбаана, тэлэбиисэрэ суох эбит. Ону кытта дьиэни куортамнаһан олорооччу дьахтар эмиэ суох эбит. Хоромньу уопсай кээмэйэ 27 тыһ. солк.
Суһал-ирдиир үлэ кэмигэр холуобунай ирдэбил үлэһиттэрэ 28 саастаах уорбаланааччы ханна баарын быһаарбыттар. Дьахтар үп-харчы өттүнэн ыарахан балаһыанньаҕа киирэн, атын киһи тэлэбиисэрин, дьыбаанын атыылаабытын туһунан кэпсээбит. Атыылаабыт харчытын бэйэтин тус наадатыгар туттубут.
Билигин дьахтарга РФ Холуобунай кодексын 160 ыст. 2 чааһынан холуобунай дьыала көбүтүлүннэ.
Сообщить об опечатке
Текст, который будет отправлен нашим редакторам: