Эдэр дьахтар түүн массыынаны күрэтэн илдьэ бара сатаабыт

25 саастаах Өлүөхүмэ оройуонуттан төрүттээх  дьахтар   биир түүн дьиэ олбуоруттан массыынаны күрэтэн бара сатаабыт. Билигин эдэр дьахтарга РФ Холуобунай кодексын 166 ыст. 1 ч. холуобунай дьыала көбүтүллүбүт.

Быһаарыллыбытынан, эмсэҕэлээччи массыынатын собуоттаан баран түүн  дьиэтин таһыгар туруорбут. Түүн үөһүгэр  эдэр дьахтар массыына кэлин аанынан киирбит. Аанын хатааһына алдьаммыт буолан, судургутук арыйбыт.  Массыына күлүүһэ турарын көрө биэрэн,  уруулга олороот,  тырааныспары күрэтэн илдьэ барарга санаммыт. Ол гынан баран дьахтар сатаан урууллаабакка, утары турар массыынаҕа баран түспүт.  Ол кэннэ быһылаан тахсыбыт сириттэн күрээбит.

Билигин икки массыынаҕа тахсыбыт хоромньу кээмэйин ааҕаллар.