Эдэр дзюдоистар үс кыһыл көмүс мэтээли аҕаллылар

Читаҕа Арассыыйаҕа бастыыр иһин күрэхтэһиигэ талар күөн күрэс буолла

Алтынньы 5-6 күннэригэр Чита куоракка дзюдоҕа Уһук Илиҥҥэ бастыыр иһин юниорскай күрэхтэһии буолан ааста. Манна Саха сирин дзюдоистарын сүүмэрдэммит хамаандатын чилиэннэрэ Диана Вихареева, Олеся Трифонова уонна Собиржон Оев кыайыылаахтарынан таҕыстылар. Ол туһунан Сүүмэрдэммит хамаандалары бэлэмниир өрөспүүбүлүкэтээҕи киин иһитиннэрдэ.

Кытаанах киирсии 81 кг ыйааһыннаахтарга буолла. Манна Собиржон Оев үс хапсыһыыны кыайыынан түмүктээтэ. Диана Вихарева (48 кг) уонна Олеся Трифонова (63 кг) күрэстэһээччилэрин утары көрдөрбөккө, эмиэ кыайыыны суруннулар.

Күрэхтэһиигэ аҕыс эрэгийиэннээҕи хамаандаттан 21-гэр диэри саастаах 80 спортсмен кыттыыны ылла. Бу Арассыыйаҕа бастыыр иһин күрэхтэһиигэ талар күөн күрэс буолар.