Хаартыска: СИА
Ыччат каадырга киинэ бүгүн, алтынньы 25 күнүгэр, үөрүүлээх быһыыга-майгыга арылынна. Уһук Илиҥҥэ аан бастакы киин Ил Дархан Айсен Николаев көҕүлээһининэн тэрилиннэ.
Киини үөрүүлээх арыйыыга СӨ бырабыыталыстыбатын бэрэссэдээтэлэ Кирилл Бычков кытынна. Киин үлэһиттэрэ бу күн куорат уонна улуустар орто үөрэхтэрин кыһаларын устудьуоннарын, преподавателлары кытары көрүстүлэр. Ону сэргэ, СӨ бырабыыталыстыбатын бэрэссэдээтэлэ Кирилл Бычковы кытары аһаҕас кэпсэтиигэ интэриэһиргиир ыйытыыларын биэрдилэр. Манна даҕатан эттэххэ, киин үлэһиттэрэ хайыы үйэ Чурапчы, Уус Алдан, Бүлүү улуустарыгар тиийэн, дьарыктаах буолуу кииннэрин, үөрэх тэрилтэлэрин үлэһиттэрин уонна үлэни биэрээччилэри кытары көрсүбүттэрэ.
Ыччат каадырга киинин соругунан элбэх ыччат үөрэммит идэтинэн үлэ буларын ситиһии, үөрэҕи бүтэрээччилэр, устудьуоннар, үлэни биэрээччилэр уонна үөрэх тэрилтэлэрэ хардарыта бииргэ үлэлээһиннэрин хааччыйыы буолар.
Биллэрин курдук, үгүс устудьуон үөрэҕи бүтэрэн баран, бастакы хардыыларын оҥороругар ыарахаттары көрсөр, үлэни биэрээччи кинилэри хайдах көрсөрүттэн үлэтин биографията саҕаланар.
Кирилл Бычков: «Ыччат каадырга киинигэр үлэни биэрээччи киниэхэ үлэлиэхтээх эдэр исписэлииһин күүтэрин курдук, ураты усулуобуйанан хааччыйыахтара, ону сэргэ эдэр киһи үлэтин биографията үөрэммит идэтинэн саҕаланарыгар, кини баҕа санаата олоххо киирэригэр көмөлөһүөхтэрэ. Киин сүрүн соруга итиннэ сытар”, — диэтэ.
Билигин Жатайдааҕы судоверьф тэрилтэтин, Ростелекому, Иркутскайтааҕы ньиэп хампаанньатын кытары үөрэҕи бүтэрбиттэри уонна эдэр исписэлиистэри үлэҕэ ылыы туһунан кэпсэтии барар.
Киин Крупская уул.13 №-гэр Саха сиригэр идэҕэ урутаан бэлэмнээһин киинин баазатыгар үлэлиир.
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…