ИТ-исписэлиистэри «На волне» пуорумҥа ыҥыраллар

Саха сирин ИТ-исписэлиистэрин «Росмолодежь» былаһаакка профильнай пуорумнарыгар кыттыыны ыларга ыҥыраллар. 

Ол курдук, олохтоох холбоһуктар сайдыыларыгар бүгүҥҥү күҥҥэ саамай суолталаах боппуруостарын «На волне» диэн үөрэх пуорумугар дьүүллэһиэхтэрэ. Тэрээһин балаҕан ыйын 27 күнүттэн алтынньы 2 күнүгэр диэри Владивостокка ыытыллыаҕа.

Пуорум тиэмэлэрэ — игрофикация, креативнай индустрия уонна гик-хамсааһын. Кытааччыларга икки үөрэх трега буолуоҕа — «Первому игроку приготовиться» уонна «Успешный успех». Ону таһынан, «Теория большого гика» диэн ааттаах чинчийии трега үлэлиэҕэ.

Пуорумҥа кыттарга сайаапканы атырдьах ыйын 10 диэри туталлар.

Пуорум туһунан сиһилии сыылканан билсиҥ.