Эдэр киһи 12-с этээстэн сууллубут

Дьокуускайга 24 саастаах эдэр киһи 12-с этээстэн сууллан, тыына быстыбыт. Бу туһунан силиэстийэлиир уорганнарга сигэнэн, СИА суруйар.

Уол өлүгүн от ыйын 17 күнүгэр  сарсыарда Петровскай уулусса 28-с дьиэтин тэлгэһэтигэр булбуттар.

Олус үрдүктэн тимир аҕыраадаҕа кэлэн түспүт. Сабаҕалааһын быһыытынан, өлбүт уол бу иннинэ чугас дьонун кытта иирсибит эбит.

Силиэстийэ барар турар диэн СИА иһитиннэрэр.

2022 сыллаахха Дьокуускайга 12-с этээстэн 5 саастаах оҕо сууллубутун, дьон аллараа таҥаһы тэлгээн, тута сатаабыттара.  Ол эрээри, оҕо таҥаһы сыыһа түһэн, 38 саастаах Баин Бадмаев үрдүгэр түһэн испитин, киһи тутан ылбыта, кини онно илиитин тоһуппута. Оҕо ыарахан туруктаах балыыһаҕа киирбитэ эрээри, кыайан быыһаабатахтара. Бадмаевы наҕараадаҕа түһэрбиттэрэ.