Эдэр киһи куурка сиэбиттэн харчы уоран тутулунна

ИДьМ 2 №-дээх полициятын отделыгар дьахтартан үҥсүү киирбит.

Комиссионнай маҕаһыыҥҥа билбэт киһитэ кууркатын сиэбиттэн 17  тыһ.солк. уорбутун туһунан үҥсэн суруйбут.

Суһал-көрдүүр үлэ түмүгүнэн, полиция үлэһиттэрэ урут сууттана сылдьыбыт 21 саастаах эдэр киһи буоларын билбиттэр.

Дьахтар суотабай төлөпүөнүн туттараары комиссионнай маҕаһыыҥҥа кэлбит. Харчыны биэрбиттэригэр, эдэр киһи тута дьахтар кэннигэр кэлэн кууркатын сиэбиттэн харчыны ылаат, маҕаһыынтан сүүрэн тахсыбыт уонна саспыт. Уорбут харчытын матайдаабыт.

Онон Арассыыйа Федерациятын холуобунай кодексатын 161 ыст 1 ч. «Уоруу» диэнинэн холуобунай дьыала тэриллибит.

СӨ ИДьМ пресс-сулууспата