Эдэр киһиэхэ  тэриллибит холуобунай дьыаланы силиэстийэлээһин түмүктэннэ

Дьокуускай куорат силиэстийэлиир отдела орто  анал үөрэх устудьуонугар тэриллибит холуобунай дьыаланы силиэстийэлээһини түмүктээтэ.

Санатан эттэххэ,  18 саастаах эдэр киһи РФ Холуобунай кодексатын 132 ыстатыйатын 4 ч. “б” пуунунан (14 сааһын туола илик кыыска сексуальнай хабааннаах дьайыылар иһин) буруйданна.

Силиэстийэлээһин түмүгэр  биллибитинэн, 2024 сыл бэс ыйын 15 күнүгэр Дьокуускай куоракка оҕо оонньуур былаһааккатыгар буруйга уорбаланааччы  8 саастаах кыыска сексуальнай хабааннаах дьайыылары оҥорбута. Ол камераҕа уһуллан, социальнай ситимнэргэ тарҕаммыта.

Арассыыйа Ис Дьыалаҕа министиэристибэтин “Якутское” МУ суһал подразделениетын үлэһиттэрэ буруйга уорбаланааччы кимин быһааран суһаллык туппуттара.