Хаартыска: minmol.sakha.gov.ru
Үтүө үгэскэ кубулуйбут “Муус устар” ыччат бэстибээлэ быйыл кулун тутар 17-22 күннэригэр буолуоҕа. Үөрэх уонна билим министиэристибэтин иһинэн өрөспүүбүлүкэтээҕи эдэр педагогтар ассоциациялара уонна “Бастакылар хамсааһыннара” оҕо-ыччат хамсааһына икки тэрээһини ыытыахтара.
Идэҕэ урутаан бэлэмниир киин сүрүн исписэлииһэ, Ыччат Бырабыыталыстыбатын чилиэнэ, өрөспүүбүлүкэтээҕи эдэр педагогтар ассоциацияларын бэрэссэдээтэлэ Мотрена Федосеева:
— Биһиги, Эдэр педагогтар ассоциациялара “Лента времени” ыччат патриотическай күрэһин тэрийиэхпит. Күрэс, ыччат Аҕа дойду Улуу сэриититтэн саҕалаан күн бүгүҥҥэ диэри биир дойдулаахтара киллэрбит кылааттарын үөрэтэн, устуоруйа туһунан билиитин кэҥэтэригэр, кинилэри патриотическай тыыҥҥа иитэр уонна гражданин быһыытынан көхтөөх санааны ылынарыгар сирдиир сыаллаах.
Аҕа дойду Улуу сэриитэ бүппүт сылыттан бүгүҥҥү күҥҥэ диэри устуоруйаны уоннуу сылларга арааран, үс түһүмэхтэн турар күрэһи бэлэмнээтибит. Бастакы, тэйиччиттэн көрүҥүнэн ыытыллар тургутук олунньу 1 күнүттэн саҕаланар. Тургутук 25 ыйытыыттан турар. Холобур, судаарыстыбаннай диэйэтэл Г.И.Чиряев Саха сирэ сайдарыгар туох үлэни ыыппытын туһунан.
Күрэскэ 14-35 диэри саастаах, Саха сиригэр куруук эбэтэр быстах кэмҥэ буоллаҕына алта ыйтан итэҕэһэ суох олорор ханнык баҕарар эдэр киһи кыттар кыахтаах. Кыттааччылары үс бөлөҕүнэн араардыбыт: 14-17 саастаах оҕолор, 18-24 саастаах дьон, 25-35 саастаах үлэһиттэр.
Бастакы сүүмэрдиир тэйиччиттэн күрэс олунньу 1-15 күннэригэр буолуоҕа. Бастакы түһүмэх кэнниттэн саамай бастыҥ көрдөрүүлээх 330 кыттааччыны талыахпыт. Иккис түһүмэххэ бу сүүмэрдэммит дьон патриотическай тиэмэҕэ сыһыаннаах эссе суруйуохтара. Эспиэрдэр кыттааччылар үлэлэрин сыаналаан, хас биирдии бөлөххө биэстии табыллыбыт эссены талан ылыахтара. Кинилэр түмүктүүр түһүмэххэ бөлөхтөрүнэн тус-туспа күөн көрсөн, кыайыылаахтар быһаарыллыахтара, — диэн ыччакка аналлаах сэргэх күрэс туһунан билиһиннэрдэ.
Кыайыылаахтар сыаналаах бириистэринэн наҕараадаланыахтара. Саҥа, сонун күрэскэ кыттыҥ! Билиигитин тургутуҥ! Ыччакка аналлаах “Муус устар” бэстибээл туһунан умнуллубат өйдөбүлү хаалларыҥ! Сиһилии СӨ эдэр педагогтарын ассоциациятын телеграм ханаалыгар бу сигэнэн киирэн билсиҥ: https://t.me/amprsya
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…