СӨ бастакы бэрэсидьиэнэ М.Е.Николаев 85 сааһыгар аналлаах саахыматчыттар өрөспүүбүлүкэтээҕи III кэнгириэстэрин иитинэн, ахсынньы 4-15 күннэригэр СӨ Билим дьоҕус академиятыгар гроссмейстердар сиэссийэлэрэ буолуоҕа.
Сиэссийэни норуоттар икки ардыларынааҕы гроссмейстер, классическай саахымакка Арассыыйа чөмпүйүөнэ (Иркутскай к.) Антон Вячеславович Шомоев, норуоттар икки ардыларынааҕы гроссмейстер, саахымат композициятын суоттааһыҥҥа аан дойду 17-с чөмпүйүөнэ (Москва к.) Данила Сергеевич Павлов, ФИДЕ маастара Роман Владимирович Ганжуров уо.д.а. үрдүк таһымнаах педагогтар ыытыахтара.
2022 сыл сэтинньи ыйынааҕы туругунан, үөрэх бырагырааматыгар СӨ эдэрдэргэ сүүмэрдэммит хамаандатын сүрүн уонна эрэсиэрбэҕэ састаабын кыттааччылара ыҥырыллаллар. Маныаха сүүмэрдиир куонкуруһу ааһыы булгуччулаах усулуобуйанан буолар.
Кыттааччылары 2021-2022 сс. саахымат официальнай күрэхтэһиилэрин түмүгэ учуоттаммыт өрөспүүбүлүкэ оҕолорго сүүмэрдэммит испииһэгиттэн талаллар, испииһэк СӨ саахымакка федерациятын президиумугар сөпсөһүүнү ааһар.
Дьарыктанааччылар уопсай таһымнарын үрдэтэр туһугар итиэннэ РФ эрэгийиэннэрин кытта бииргэ үлэлэһиини бөҕөргөтөр инниттэн, сүүмэрдиир куонкурус түмүгүнэн уокурук таһымыгар ситиһиилээх Уһук Илин федеральнай уокуругун атын субъектарыттан бырагыраамаҕа кыттааччылар киириэхтэрин сөп.
Үөрэх бырагырааматыгар кыттартан аккаастаммыт үөрэнээччилэри, эриэйтининэн кинилэр кэннилэриттэн турааччылар солбуйан биэриэхтэрэ.
Тэрээһин ыытыллыыта: олоҕурбут көрүҥүнэн (очно)
Буолар сирэ: Хаҥалас улууһун Чапаев сэлиэнньэтэ, Г.Саввин уулуссатын 1/1 дьиэтэ (үөрэтэр-лабораторнай куорпус).
Сүүмэрдиир куонкуруска кыттар туһугар rc14.ru (https://rc14.ru/#/event/504) платформаҕа бэлиэтэниини ааһар уонна «Гроссмейстердар оскуолалара» тэрээһиҥҥэ сайаапканы ыытар ирдэнэр.
Сайаапканы булгуччу 2022 сыл ахсынньы 2 күнүгэр диэри ymoman@mail.ru буостаҕа ылабыт.
Анал сайаапкаҕа ыйыллар:
— араспаанньа, аат
— төрөөбүт сыл,
— оскуола, кылаас,
— эрэсэрээт.
Сайаапка үөрэх управлениетын начаалынньыга эбэтэр үөрэх тэрилтэтин дириэктэрэ бэчээтинэн, илии баттааһынынан уонна быраас көҥүллүүрүн туһунан бэчээтинэн, илии баттааһынынан бигэргэммит буолуохтаах.
Кыттааччылар ахсынньы 4 күнүгэр 16.00-17.00 чааска киирэллэр. Төттөрү барыылара — ахсынньы 15 күнүгэр. Оҕолор кэлиилэригэр, барыыларыгар төрөппүттэр (сокуоннай бэрэстэбиитэллэр) эппиэттииллэр.
Киириигэ маннык докумуон ирдэнэр:
— СӨ Билим дьоҕус академиятын кытта төрөппүт дуогабара
— бырагыраамаҕа киирэр туһунан сайабылыанньа
— тус дааннайдары бэрийиигэ сөбүлэҥ
— сыстыганнаах инфекционнай ыарыылаахтары, ону тэҥэ, COVID-19, педикулезтаах дьону кытта хантааҕа суоҕун туһунан ыспыраапка.
Туох баар ирдэнэр докумуоннары уонна киирэргэ наадалаах мал-сал туһунан иһитиннэриини манна https://lensky-kray.ru/index.php?r=page/view&id=52 көрүҥ. Билсэр нүөмэргит: 8-914-1056150
СӨ саахыматын федерациятын пресс-сулууспата.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…