«Эдэр саас» киинэ куйаар ситимигэр көҥүл көрүүгэ таҕыста

Саха режиссёра Дмитрий Давыдов Үрүҥ Тунах Ыһыахтарынан биир дойдулаахтарыгар кэрэ бэлэҕи оҥордо.

Бэс ыйын 21 күнүгэр кини  бэйэтин ютуб-ханаалыгар «Эдэр саас» («Молодость») киинэтин көҥүл көрүүгэ таһаарда.

2023 сыллааҕы уус-уран киинэ төрөөбүт дэриэбинэтигэр төннөн кэлбит, үтүө санаалаах эрээри, олоҕор табыллыбатах Вася туһунан кэпсэнэр. Бу кэмҥэ бииргэ үөрэммит оҕолоро биллэрдик сааһырбыттар: кинилэр оҕолоохтор-уруулаахтар, үлэлээхтэр-хамнастаахтар, олохторо сиэринэн баран иһэр. Сүрүн дьоруой кыһалҕата суох эдэр сааһыгар төннүүтэ хайдах буолуой? Киинэ үрдүк наҕараадаҕа тиксибэтэҕэ эрээри, кириитиктэртэн үрдүк сыанабылы ылбыта. Киинэни бу сигэнэн киирэн көрүөххэ сөп.