Хаартыска СИА.
Саха сирин сүүмэрдэммит хамаандатын спортсменнара «Азия оҕолоро» оонньууларга бэлэмнэнэн, саҥардыллыбыт «Чолбон» бассыайыҥҥа дьарыктанан эрэллэр.
Бу сайын буолуохтаах «Азия оҕолоро» норуоттар икки ардыларынааҕы успуорт оонньууларыгар бэлэмнэнии иитинэн ыытылынна.
Ил Дархан Айсен Николаев «Азия оҕолоро» оонньууларга күрэхтэһиилэр ыытыллыахтаах спортивнай эбийиэктэригэр хапытаалынай өрөмүөнү, тутууну 2023 сыл бүтүөр диэри түмүктүүр соругу туруорбута. Ол түмүгэр, Дьокуускайга барыта тоҕус эбийиэккэ хапытаалынай өрөмүөн ыытыллара көрүллүбүтэ.
«Чолбоҥҥо» өһүөтэ уларыйбыт, тротуара, киирэр ааҥҥа керамическай билиитэлэрэ уларытыллыбыттар. Ититэр ситимэ, дууштанар кабиналар өрөмүөннэммиттэр, дьарыктанар саалалар саҥардыллыбыттар.
Манна сүүмэрдэммит хамаанда 20 спортсмена дьарыктана сылдьар. Ыстаарсай тириэньэр Олег Лапшин бэлэмнэнии былаанынан барарын, хамаанданы тэрийиигэ түмүктээх быһаарыы 2024 сыл ыам ыйыгар буоларын этэр.
Бассейыҥҥа ким баҕалаах, оҕолор да, улахан да дьон сөтүөлүөхтэрин сөп.
«Мин салалтабынан нэдиэлэҕэ 4-5 уопсайа 47 эдэр спортсмен дьарыктанар. Үс сыл устатыгар 30-тан тахса разрядтаах харбыыһыты бэлэмнээтим. Өрөмүөн кэнниттэн манна сырдаабыт, үлэлииргэ өссө табыгастаах буолбут. Үлэлииргэ усулуобуйа биллэ тубуста«, — диэн этэр спортивнай бөлөх преподавателэ Күннэй Колесова.
Сөтүөлүүр бассейын 2012 сыллаахха V «Азия оҕолоро» оонньууларга тутуллубута.
«Азия оҕолоро» норуоттар икки ардыларынааҕы VIII спортивнай оонньуулар Дьокуускайга 2024 сыл бэс ыйын 25 — от ыйын 7 күнүгэр ыытыллаллар. Эдэр спортсменнар успуорт 24 көрүҥэр күөн көрсүөхтэрэ.
Сиһилии https://www.sakha.gov.ru/news/front/view/id/3375714 манна ааҕыҥ.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…