Эдэр суруйааччылар сүбэ-мунньахтарыгар сүүмэрдээһин саҕаланна

Share

Хаартыска: Р.Каженкин.

Муус устар 3-5 күннэригэр Дьокуускайга XXIV Өрөспүүбүлүкэтээҕи эдэр суруйааччылар сүбэ-мунньахтара ыытыллыаҕа. Сүбэ-мунньах эдэр ааптардарга айымньыларын биллэр суруйааччыларга аахтаран, ырыттаран, инникитин айар үлэлэригэр сүбэ-ама ылалларыгар, киэҥ эйгэҕэ биллэллэригэр көмөлөөх.
Хаартыска: Р.Каженкин
Сүбэ-мунньахха 18-40 саастаах эдэр ааптардар айымньыларын ыытан, сүүмэрдээһини ааһан, кытталлар.
Кэтэхтэн түһүмэххэ олунньу 13 күнүттэн кулун тутар 15 күнүгэр диэри ederlit@mail.ru электроннай буостанан айымньылары туталлар.
Үлэлэри сиэксийэлэринэн туталлар:
саха поэзията — 7-10 талыллыбыт хоһоонунан айымньы;
саха прозата — 1-3 кэпсээн, эбэтэр, 1 улахан айымньы;
нуучча литературата: поэзия — 7-10 талыллыбыт хоһоон, проза — 1-3 кэпсээн, эбэтэр, 1 улахан айымньы;
аҕыйах ахсааннаах хотугу норуоттар литературалара: поэзия — — 7-10 талыллыбыт хоһоон, проза — 1-3 кэпсээн, эбэтэр, 1 улахан айымньы (манна сааһынан хааччахтааһын суох);
драма (сааһынан хааччахтааһын суох): 1  пьеса (сахалыы, нууччалыы, хотугу норуоттар тылларынан);
оҕо литературата: поэзия — 7-10 талыллыбыт хоһоон, проза — 1-3 кэпсээн, эбэтэр, 1 улахан айымньы (саха тылынан);
кириитикэ (сааһынан хааччахтааһын суох): саха тылынан 1-3 кириитикэ ыстатыйата, 2-3 рецензия.
Кыттааччы толору аатын, сааһын, олорор сирин, идэтин, үлэлиир сирин, төлөпүөнүн, кылгас биографиятын (үөрэҕин, үлэтин, ханна бэчээттэммитин, ханнык литературнай түмсүүгэ баарын) суруйан ыытар. Саха тылынан кыттааччылар айымньылара сахалыы сириибинэн бэчээттэммит буолуохтаах. Кыттааччы айымньыларын уонна бэйэтин туһунан дааннайдары биир файлга уган ыытыахтаах.
Киирбит үлэлэртэн талан, кулун тутар 18 күнүгэр сүбэ-мунньах кыттааччыларын быһаарыы түмүктэнэр.
Ыспыраапка: Эдэр суруйааччылар сүбэ-мунньахтарын Саха сирин Суруйааччыларын сойууһа тэрийэн ыытар. Аан бастаан сэбиэскэй кэмҥэ ыытыллар этилэр, ол эрээри, дойдуга уларыйыы-тэлэрийии буолан, 1987 сылтан ыытыллыбакка турбута. Наталья Харлампьева бэрэссэдээтэллээх сойуус 2004 сыллаахха Эдэр суруйааччылар сүбэ-мунньахтарын сөргүтэн, икки сыл буола-буола ыытан кэллэ. Бу кэм устата сүүһүнэн ыччат дьон кытыннылар, сүүрбэччэ киһи Саха сирин Суруйааччыларын сойууһун чилиэнэ буолла, кинигэлэрэ бэчээттэннэ.

Recent Posts

  • Сонуннар
  • Уопсастыба
  • Үөрэх

Оҕолорго аналлаах ураты өрөспүүбүлүкэ каартата бэчээттэннэ

Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…

2 часа ago
  • Сонуннар
  • Уопсастыба

Саха сирин баһаарынайдара Уһук Илин биир бастыҥ хамаандатынан буоллулар

Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…

2 часа ago
  • Сонуннар
  • Уопсастыба

Олоҥхо ыһыаҕа — үс хонукка арыгы атыыта хааччахтанар

От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…

2 часа ago
  • Култуура
  • Сонуннар

Дьокуускайдааҕы киинэ бэстибээлэ ахсыс төгүлүн ыытыллар

От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…

2 часа ago
  • Сонуннар
  • Уопсастыба

ВИДЕО: «Саха сирин тыыннаах алмаастара» пааркаҕа – павлин оҕолоро

Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…

3 часа ago
  • Сонуннар
  • Сүрүн

Өлүөхүмэҕэ саҥа оҕо поликлиниката арылынна

Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…

3 часа ago