Эдэр суруйааччылар сүбэ-мунньахтарыгар сүүмэрдээһин саҕаланна

Share

Хаартыска: Р.Каженкин.

Муус устар 3-5 күннэригэр Дьокуускайга XXIV Өрөспүүбүлүкэтээҕи эдэр суруйааччылар сүбэ-мунньахтара ыытыллыаҕа. Сүбэ-мунньах эдэр ааптардарга айымньыларын биллэр суруйааччыларга аахтаран, ырыттаран, инникитин айар үлэлэригэр сүбэ-ама ылалларыгар, киэҥ эйгэҕэ биллэллэригэр көмөлөөх.
Хаартыска: Р.Каженкин
Сүбэ-мунньахха 18-40 саастаах эдэр ааптардар айымньыларын ыытан, сүүмэрдээһини ааһан, кытталлар.
Кэтэхтэн түһүмэххэ олунньу 13 күнүттэн кулун тутар 15 күнүгэр диэри ederlit@mail.ru электроннай буостанан айымньылары туталлар.
Үлэлэри сиэксийэлэринэн туталлар:
саха поэзията — 7-10 талыллыбыт хоһоонунан айымньы;
саха прозата — 1-3 кэпсээн, эбэтэр, 1 улахан айымньы;
нуучча литературата: поэзия — 7-10 талыллыбыт хоһоон, проза — 1-3 кэпсээн, эбэтэр, 1 улахан айымньы;
аҕыйах ахсааннаах хотугу норуоттар литературалара: поэзия — — 7-10 талыллыбыт хоһоон, проза — 1-3 кэпсээн, эбэтэр, 1 улахан айымньы (манна сааһынан хааччахтааһын суох);
драма (сааһынан хааччахтааһын суох): 1  пьеса (сахалыы, нууччалыы, хотугу норуоттар тылларынан);
оҕо литературата: поэзия — 7-10 талыллыбыт хоһоон, проза — 1-3 кэпсээн, эбэтэр, 1 улахан айымньы (саха тылынан);
кириитикэ (сааһынан хааччахтааһын суох): саха тылынан 1-3 кириитикэ ыстатыйата, 2-3 рецензия.
Кыттааччы толору аатын, сааһын, олорор сирин, идэтин, үлэлиир сирин, төлөпүөнүн, кылгас биографиятын (үөрэҕин, үлэтин, ханна бэчээттэммитин, ханнык литературнай түмсүүгэ баарын) суруйан ыытар. Саха тылынан кыттааччылар айымньылара сахалыы сириибинэн бэчээттэммит буолуохтаах. Кыттааччы айымньыларын уонна бэйэтин туһунан дааннайдары биир файлга уган ыытыахтаах.
Киирбит үлэлэртэн талан, кулун тутар 18 күнүгэр сүбэ-мунньах кыттааччыларын быһаарыы түмүктэнэр.
Ыспыраапка: Эдэр суруйааччылар сүбэ-мунньахтарын Саха сирин Суруйааччыларын сойууһа тэрийэн ыытар. Аан бастаан сэбиэскэй кэмҥэ ыытыллар этилэр, ол эрээри, дойдуга уларыйыы-тэлэрийии буолан, 1987 сылтан ыытыллыбакка турбута. Наталья Харлампьева бэрэссэдээтэллээх сойуус 2004 сыллаахха Эдэр суруйааччылар сүбэ-мунньахтарын сөргүтэн, икки сыл буола-буола ыытан кэллэ. Бу кэм устата сүүһүнэн ыччат дьон кытыннылар, сүүрбэччэ киһи Саха сирин Суруйааччыларын сойууһун чилиэнэ буолла, кинигэлэрэ бэчээттэннэ.
What’s your Reaction?
+1
8
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Уопсастыба
  • Үөрэх

Ууга барыан сөптөөх эксээмэн ыытыллар пууннарыгар эрэсиэрбэ былааннар толкуйдаммыттара

Бу күннэргэ халаан уутуттан эмсэҕэлээн, сорох улуустарга ыксаллаах быһыы-майгы эрэсиимэ биллэриллибитэ. Оттон эксээмэннэр ыам ыйын…

8 часов ago
  • Сонуннар
  • Уопсастыба

Михаил Ефимович Николаев бөлөһүөктүү көрүүлэрин туһунан кинигэ сүрэхтэннэ

"Михаил Ефимович Николаев: вклад в государственную семейную политику Российской Федерации" диэн  кинигэ сүрэхтэниитэ бүгүн, ыам…

9 часов ago
  • Сонуннар
  • Уопсастыба

Дьылы атаарыы, сайыны көрсүү

Ыам ыйын 15 күнэ. Дьылбыт түмүктэнэрэ 7 хонук хаалбыт. Ол аата саха саҥа сыла саҕаланыа…

9 часов ago
  • Сонуннар
  • Уопсастыба

Дьахталлар — салайар үлэҕэ

Ааҕааччыны салгыппат гына, ааспыты аҕыйах тылынан ахтан ааһар тоҕоостоох. Ыраата барбакка эттэххэ, ааспыт үйэ 60-70-с…

10 часов ago
  • Култуура
  • Сонуннар

Туох барыта күрүөлээх…

Оннук ээ, туох барыта күрүөлээх, хамсыыр барыта хаһаалаах буолара бэрт бөҕө буоллаҕа! Киһи бэйэтин көрүнэригэр-харыстанарыгар…

11 часов ago
  • Сонуннар
  • Уопсастыба

Саха сиригэр баһаары сэрэтэр  2, 4  тыһыынчаттан тахса тэрили дьиэлэргэ киллэрдилэр

2021 сылтан  Саха сиригэр “Баһаары сэрэт – АДПИ киллэр!” диэн социальнай аахсыйа ыытыллар.  Аахсыйа чэрчитинэн…

11 часов ago