Эдэр табаһыттар олорор усулуобуйаларын тупсараллар

Табаһыттар олорор усулуобуйаларын тупсарыыга улахан болҕомто ууруллар.

Ол курдук, былырыын эдэр табаһыттар олорор усулуобуйаларын тупсарыыга СӨ бүддьүөтүттэн өрөспүүбүлүкэ Тыатын хаһаайыстыбатын уонна аска-үөлгэ бэлиитикэтин министиэристибэтэ социальнай төлөбүрү 14 табаһыкка анаабыт. Анаабыр – 4, Булуҥ – 1, Эдьигээн 1, Муома –1, Кэбээйи –2, Томпо –1, Усуйаана –1, Эбээн Бытантай –2, Өлүөхүмэ – 1 табаһыта ылбыт.  Кинилэргэ уопсайа 28 мөл .солк. көрүллүбүт.

Хоту дойду уустук усулуобуйатыгар үлэлиир, куруук тоҥо-хата, тыалы-буурҕаны кытта сырсар эдэр табаһыттары өйүүр мэхэньиисимнэр маннык кэҥээн иһэллэригэр баҕараллар. Оччоҕо эдэр дьон ыстаадаларга баҕаран туран үлэлии барыахтара.