Эдэр табаһыттарга – биирдии мөлүйүөн

2020 сылтан «Эдэр табаһыт» бырагыраама ситиһиилээхтик олоххо киирэр. 35 саастарыгар диэри эдэр табаһыттарга олорор усулуобуйаларын тупсаралларыгар 1 мөл. солк. суумалаах көмө харчы көрүллэр. Бу сыалга быйыл 28 мөл. солк. көрүллүбүтэ.

Бу бырагыраама эрэгийиэннээҕи «2020-2024 сыл­ларга Саха сирин Арктикатааҕы зонатын уонна аҕыйах ахсааннаах хотугу норуоттар социальнай-экэнэмиичэскэй сайдыылара» судаарыстыбаннай бырагыраама иһинэн үлэлиир. 2021 сылга диэри бырагыраама Арктическай эрэ зонаҕа үлэлиирэ. Билигин бүтүн өрөспүүбүлүкэ үрдүнэн үлэлиир. Маннык өйөбүлүнэн уопсайа 53 табаһыт туһаммыт.

Бырайыак сүрүн сыала – 35 саастарыгар диэри эдэр табаһыттарга олорор усулуобуйаларын тупсарарга 1 мөл. солк. харчы бэриллэр.

2020 сылга «Эдэр табаһыт» бырагыраамаҕа 11 мөл. солк. көрүллүбүтэ, оттон 2021-2022 сс. сыл аайы 20 мөл. солк. көрүллүбүтэ. 2023 сылга бырайыагы олоххо киллэрии тохтотуллубута, оттон 2024 сылга 28 мөл. солк. көрүллүбүтэ.

Төлөбүрү эдэр табаһыт олорор дьиэни тутууга,  олорор дьиэ атыыласпытын төлөбүрүн толуйууга бас билиитигэр ыларыгар туһаныан сөп.