Эдэр тустууктар Будаев турнирыттан 11 мэтээллэннилэр

От ыйын 30 күнүгэр Бурятия өрөспүүбүлүкэтин Улан-Удэ куоратыгар 24 саастарыгар диэри уолаттарга көҥүл тустууга Арассыыйа успуордун үтүөлээх маастара, үтүөлээх тириэньэрэ, аан дойду, Европа уонна Азия чөмпүйүөнэ, Бурятия өрөспүүбүлүкэтин бочуоттаах олохтооҕо Борис Дугданович Будаев бирииһигэр норуоттар икки ардыларынааҕы XXXI күрэхтэһии түмүктэннэ. Манна Саха сирин сүүмэрдэммит хамаандатын эдэр тустууктара 11 мэтээли, ол иһигэр икки кыһыл көмүс мэтээли ылары ситистилэр.

Ол курдук, 70 киилэҕэ диэри ыйааһыҥҥа Албан Аввакумов чөмпүйүөн үрдүк аатын сүктэ. Кини Бурятия бөҕөһүн Игорь Упхоевы финалга кыайда. Салгыы 125 киилэҕэ диэри ыйааһыҥҥа Никита Хабаров тэҥнээҕин булбата. Быһаарыылаах киирсиигэ кини эмиэ Бурятия тустуугун Амгалан Бакшеев иннин ылла.

Үрүҥ көмүс мэтээллэри 57 киилэҕэ диэри ыйааһыҥҥа Айаал Белолюбскай, 61 киилэҕэ Артем Слепцов, 65 киилэҕэ Игорь Матвеев уонна 79 киилэҕэ Роман Николаев ыллылар. Оттон 57 киилэҕэ диэри ыйааһыҥҥа Уйгулаан Иванов уонна Дархан Игнатьев боруонса мэтээллэри, 65 киилэҕэ Иван Потапов, 79 киилэҕэ Андриан Ленскэй уонна 125 киилэҕэ Эдуард Максимов үһүс буолары ситистилэр.

Уопсай түмүк маннык:

57 киилэҕэ:
1. Батхуяг Мунх-Эрдэнэ (Монголия)
2. Белолюбскай Айаал (Саха сирэ)
3. Иванов Уйгулаан (Саха сирэ)
3. Игнатьев Дархан (Саха сирэ)

61 киилэҕэ:
1. Седен Кежик (Тыва)
2. Слепцов Артем (Саха сирэ)
3. Энхбат Энхболд (Монголия)
3. Мункуев Алдар (Бурятия)

65 киилэҕэ:
1. Монгуш Чаяан (Иркутскай уобалас)
2. Матвеев Игорь (Саха сирэ)
3. Потапов Иван (Саха сирэ)
3. Ринчинов Владимир (Бурятия)

70 киилэҕэ:
1. Аввакумов Албан (Саха сирэ)
2. Упхоев Игорь (Бурятия)
3. Куприянов Дмитрий (Бурятия)
3. Айрапетян Юра (Красноярскай кыраай)

74 киилэҕэ:
1. Бодиев Тумэн (Бурятия)
2. Ешинимаев Тамир (Бурятия-Забайкальскай кыраай)
3. Подкаменев Бабасан (Бурятия)
3. Годжаев Гадир (Красноярскай кыраай)

79 киилэҕэ:
1. Куприн Дмитрий (Кемеровскай уобалас)
2. Николаев Роман (Саха сирэ)
3. Ленскэй Андриан (Саха сирэ)
3. Тумурбаатар Дэмчигдорж (Монголия)

86 киилэҕэ:
1. Шадапов Буянто (Бурятия)
2. Ситцев Александр (Красноярскай кыраай)
3. Бады Баяр-сайхан (Тыва)
3. Елбаскин Артур (Бурятия)

92 киилэҕэ:
1. Пшеничников Константин (Кемеровскай уобалас)
2. Власов Андрей (Кемеровскай уобалас)
3. Эрхитуев Кирилл (Бурятия)

97 киилэҕэ:
1. Акулинчев Никита (Красноярскай кыраай)
2. Бадыргов Абдулла (Кемеровскай уобалас)
3. Ведерников Артем (Красноярскай кыраай)

125 киилэҕэ:
1. Хабаров Никита (Саха сирэ)
2. Бакшеев Амгалан (Бурятия)
3. Максимов Эдуард (Саха сирэ)